Na Corsou, accidente lamentabel ta costa bida di peaton riba Caracasbaaiweg

WILLEMSTAD – Awe rond di 12:30 di madruga, polis a tin cu acudi cu urgencia pa un accidente di trafico riba Caracasbaaiweg, ora cu un vehiculo a alcanza un peaton. E luga di e accidente tabata precisamente dilanti di Luna Park, y e victima lamentabelmente a perde su bida. E prome informacionnan ta indica cu e victima tabata caba di cumpra su cominda na e truk di pan y a bay crusa caya, pero no a pone atencion cu un auto tabata bin y esaki a alcanza. E auto a core bay laga e victima, y polis ta investigando e caso como un ‘hit & run’. E victima tabata un homber. Vario unidad di polis a busca e auto. Ambulancia a yega na e sitio, pero ya no por a hasi nada pa e victima debi na e vario lesonan cu el a risibi. Doctor di polis a tin cu bay na e sitio pa confirma morto. Durante e dia di awe ta warda e informacion oficial di polis.