Caso climatico di Greenpeace den corte, pa proteccion di residente di Boneiru a cuminza

KRALENDIJK / DEN HAAG - E pregunta ta si gobierno hulandes mester proteha e residente di Boneiru mihor contra e consecuencia di cambio climatico. Y tambe si e emision di gasnan Hulandes cu ta keinta e planeta mester yega na cero mas rapido. Riba e preguntanan aki, tribunal na Den Haag lo tuma decision durante e proximo dos dianan, den un caso cu Greenpeace a presenta.

Inicialmente, e organizacion ambiental tabata bay presenta e caso hunto cu ocho cuidadano, di cua mayoria ta biba na Boneiru. Pero tribunal a dicidi aña pasa cu nan no tin suficiente interes legal den e caso. Un parti di nan lo papia awe durante e sesion.

Greenpeace a presenta e caso na cumienzo di 2024 contra estado Hulandes. E organizacion ambiental ta afirma cu gobierno ta proteha cuidadanonan den e region Caribense menos bon contra cambio climatico cu esnan den parti Europeo di Hulanda. Hunto cu Sint Eustatius y Saba, Boneiru ta un municipio special desde 2010.