Crísis político na Francia ta aumenta: premier Lecornu ta retira menos cu un luna despues di su nombra

PARIS - Premier francés Sébastien Lecornu a anuncia su retiro, menos cu un luna despues di bira premier. E desicion aki ta pone Francia mas diep den un crísis político. Lecornu, cu tin 39 aña, tabata e cinco premier den menos cu dos aña. Anochi, Lecornu a anuncia e reparticion di e puesto ministerial mas importante. E gabinete no tabata completamente nobo: diesdos di e diesocho minister nan nombra a bin directamente di e gabinete anterior, mientras cu Lecornu a priminti un “cambio” cu e gobierno anterior. Esaki a causa hopi critica for di parlamento, y tabatin un amenaza di un mocion di desconfianza.

Na comienso di september Lecornu a wordo nombra pa saca Francia for di e mal situacion político. E la sigui François Bayrou, cu despues di nuebe luna a wordo kita pa parlamento pa motibo cu e no a ricibi suficiente apoyo pa su plan di recorte di gasto na nivel di mil miyon. Lecornu tabata kere cu por medio di aumento di impuesto lo por reduci e deuda nacional frances cu ya ta pasa 3.300 mil miyon euro, un deuda cu ta sigui creciendo pasobra e gobierno frances no ta logra baha gasto.

SIN ESPACIO PA MOVE

Den su discurso di retiro Lecornu a bisa cu el tabata dispuesto pa hasi compromiso, pero e partido nan cu el tabata traha cu nan no a mira esaki como un paso dilanti. “No tabatin hopi falta pa e cos tabata traha,” el a bisa. “Ta basta pa bo no ta egoísta y pa bo mustra humildad. Un persona mester semper pone su pais prome cu su partido.”