- KPA: Persona deteni cu pistool y sentencia hopi lihe
- KLM tin e tripulacion di vuelo mas caro na mundo
- Gobierno di Hulanda ta bai apela contra desicion di clima pa Bonaire
- Foro Siguridad sin frontera: Colaboracion ta decisivo contra menasa moderno
- Grand slam historico di Xander Bogaerts di Aruba ta duna Padres victoria
Aeropuerto ta introduci Pet Relief Area pa e pasaheronan saliendo for di Aruba cu nan mascota
ORANJESTAD — Aruba Airport Authority N.V. (AAA) ta masha orguyoso pa anuncia e apertura oficial di tres Pet Relief Area nobo paden di Aeropuerto Internacional Reina Beatrix (AUA), diseña specíficamente pa e pasaheronan cu ta saliendo for di Aruba cu nan mascota. E facilidadnan aki ta ofrece un espacio limpi y conveniente pa e mascotanan di cas alivia nan mes prome cu nan subi avion, mehorando e experiencia di biahe pa e doñonan di mascota.
E facilidadnan di alivio di mascota ta situa:
• Cerca di e bañonan na Gate B
• Cerca di e bañonan na Gate 2
• Den e gang, net prome cu Gate 7 & 8
Cada area ta ekipa cu baki pa deshaci di sushi y facilidadnan pa hawa, y ta sigui un variedad di guia pa garantisa siguridad, limpiesa y cortesia pa tur biahero.
Pa celebra e ocasion aki, AAA a tene un ceremonia di corta cinta caminda AAA a haci un donacion special na Luna Foundation, un organisacion sin fin di lucro di Aruba cu ta dedica na mehora bida di e bestianan na Aruba. Luna Foundation ta traha pa medio di rehabilitacion, sterilisacion, educacion y sosten local, haciendo un impacto significante riba e bienestar di e bestianan di Aruba.
“Nos ta contento di por ofrece e facilidadnan nobo aki pa e doñonan di mascota cu ta biaha for di Aruba”, asina Jurgen Benschop, Chief Operating Officer na Aruba Airport Authority, a expresa. El a continua bisando cu: “Y nos ta igualmente orguyoso di por sostene Luna Foundation den nan mision pa cuida e bestianan di nos isla.”
Pa mas informacion tocante e facilidadnan di mascota na Aeropuerto di Aruba, bishita www.arubaairport.com
Caso di Warawara venena ta activa alarma: Aruba mester pone control riba toxiconan awor
ORANJESTAD – Un caso serio di envenenamento di fauna local a pone un biaha mas e problema di uso descontrola di toxiconan riba agenda na Aruba. Un Warawara, un di e paranan mas iconico di e isla, actualmente ta lucha pa su bida despues di a wordo envenena. Veterinario Dr. Ricardo Gogorza ta trahando intensamente pa salva e animal.
FHTMS di University of Aruba ta logra mantene e re-acreditacion prestigioso di ACPHA cu exito
Proyecto 3DXVerse ta trece innovacion digital y sostenibilidad na aviacion na Aruba
ORANJESTAD - E proyecto “3DXVerse”, presenta pa Gino Schwengle den colaboracion cu Union Europeo, ta enfoca riba modernisacion di experiencia di biahe na Aruba. E iniciativa, cu forma parti di un Horizon Project internacional, ta introduci un sistema di “pasport digital” cu ta permiti pasaheronan comparti nan dato cu inmigracion prome di yega, facilitando un proseso mas rapido na frontera mediante tecnologia di reconocimento facial.
WEB a haci donacion di conexion di awa na Kapel di Alto Vista
ORANJESTAD – Priminti ta mas cu debe. Esey a conta na momento cu WEB Aruba a pone oficialmente den operacion un conexion di awa na Kapel di Alto Vista. Na december 2025 durante e ceremonia pa pone e tanki nobo di Alto Vista den operacion, e compania di awa y energia a haci e promesa pa instala un conexion di awa como donacion na comunidad, principalmente esun di Noord. Exactamente 4 luna despues, durante un encuentro ameno cu representantenan di Kapel, parokia Santa Anna y teamnan di WEB su Sector di Distribucion & Servicio na Cliente, CEO Alfredo Koolman hunto cu Pastoor Santiago di Parokia Santa Anna a habri e cranchi di awa pa prome biaha na Kapel di Alto Vista. Pa por a instala e conexion di awa, empleadonan di WEB a haci trabou di excavacion y a instala e red di tuberia pa a yega te na e kapel. Ta trata aki di un inversion di casi 40 mil florin.
Analisis: Cacho ta birando un riesgo real: Aruba ta warda pa un tragedia pa actua?
Analisis: Subida historico di combustibel ta sacudi economia di Aruba
Follow NoticiaCla
