Huez na Hulanda: Instagram y Facebook mester duna opcion sin algoritmo

AMSTERDAM - Meta mester duna na su aplicacionnan Instagram y Facebook na Hulanda un opcion sin algoritmo, caminda un feed di noticia cronologico por wordo pone como standard. Asina a dicidi e huez na Amsterdam den un caso cu organisacion di derecho civil Bits of Freedom a hinca. Esaki ta nifica cu usuarionan mester por scoge pa un feed cu no ta wordo compone basa riba interes cu Meta ta pensa nan tin. E opcion aki ta existi awor, pero ta skonde y no por wordo pone como standard. Bits of Freedom a hinca e caso pasobra, segun nan, Instagram y Facebook ta kibrando e ley europeano Digital Services Act. E huez a duna nan rason den e argumentonan.