Aruba ta conoce su di 6 morto di trafico pa 2025

ORANJESTAD – Diaranson anochi, Aruba a conoce su di 6 morto di trafico pa 2025. Tabata dialuna 29 september 2025 pa 9:30 di mainta, cu central di polis a wordo notifica di un accidente na e retonde di Wilheminastraat na altura di Elmar.

E accidente lo tabata entre un auto y un step. 

Ta despacha polis y na yegada ta bin topa cu un auto y un step na unda a pidi ambulance pa e victima cu ta un hende homber riba  e “step”. 

Ambulance a presenta na e sitio y a brinda assistencia medico y a stabilisa e victima pa despues transporte pa hospital. 

Despues Central di Polis a wordo notifica pa personal di hospital cu e victima su situacion ta critico. 

Pa awe diaranson 6'or di atardi Dr. te Velden a constata morto di e victima di e accidente. 

Ta trata aki di e victima e hende homber Jorge Enrique Lora Diaz naci 1 april 1969 (56 aña) na Colombia. 

Cu e victima aki esaki ta bira e di 6 morto den trafico pa aña 2025. 

Cuerpo Policial ta manda palabra di profundo condolencia na famia di e fayecido.