Otmar Oduber a pidi pa alarga su retiro como parlamentario pa PPA, cu algun dia mas

ORANJESTAD – E retiro temporal di actual parlamentario pa partido PPA, Otmar Oduber lo tin cu drenta na vigor algun dia mas laat envez di e fecha di diaranson 1 di oktober 2025. Den un carta dirigi na prome minister Mike Eman, Oduber ta suplica pa alarga e fecha di retiro cu algun dia mas, y pa haci esaki awor dia 6 di oktober proximo. Esaki pasobra, e proceso no ta cla ainda, no den partido, sino rond di e proceso di e.o. conseho electoral. Pero asina mes, si keda cla prome cu e fecha nobo, lo por haci cambio ainda. E intencion ta e ora pa entrante 6 di oktober proximo, Edward Pieters asumi e funcion di parlamentario, te ora cu Oduber bolbe, cu por ta den comienso di 2026. Oduber a pidi pa retira temporalmente pa dedica su mes activamente na e apelacion di e caso  penal cu e ta involucra cu ne. E caso di apelacion mes ta poni pa tuma lugar comienso di otro aña.