Partidonan Hulandes kier pa islanan CAS por vota pa Eleccion Tweede Kamer

DEN HAAG – Partidonan di oposicion GroenLinks-PvdA y D66 a anuncia plan pa introduci un ley cu ta duna ciudadano di Corsou, Aruba y St. Maarten derecho pa bota den eleccion parlamentario Hulandes. “Dentro di poco tin eleccion pa Tweede Kamer, pero no tur hende den Reino tin permiti pa bota. Esaki ta inhusto y pasado di tempo,” segun Raoul White (GroenLinks-PvdA). “Tweede Kamer ta tuma desicion cu ta afekta directo bida di hende riba e islanan. Nan bos mester wordo tende.”

Parlamentario di D66, Mpanzu Bamenga, a ripiti e yamada, enfatizando cu akshon ta hopi atrasa. “Raad van State a bisa mas cu un aña pasa pa cambia e Ley Electoral pa cu ciudadano di paisnan Caribense den Reino por tin influencia den politica Hulandes. Gobierno no a haci nada, pues nos mes lo tuma e iniciativa. Democracia ta reclama desicion.”

Cu e legislacion propone, GroenLinks-PvdA y D66 ke logra cu eleccion di 29 di oktober lo ta e ultimo caminda kaminda residente di Corsou, Aruba y St. Maarten ta eksklui pa bota. Partidonan ta pone esaki como un paso pa mas igualdad den Reino.

“Democracia no ta caba na Laman Caribe,” White y Bamenga a enfatisa.