- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Islanan CAS ta duna sosten na islanan BES contra lei nobo WolBES y FinBES
DEN HAAG – Delegacionnan di e parlamentonan di Corsou, Aruba y St. Maarten a expresa sosten moral na islanan BES den nan resistencia contra parti di e leinan nobo WolBES y FinBES.
Na anochi prome di e reunion Interparlamentario di Reino (IPKO), e tres delegacionnan a adopta un resolucion den cua nan ta bisa cu gobierno Hulandes mester respeta derecho di autodeterminacion di Boneiro, Statia y Saba, y cu e consehonan insular mester haña “partisipacion significativo” den desicionnan cu ta afeta nan directamente. E resolucion a wordo firma pa presidentenan di parlamento Brownbill, Sneek y Wescot-Williams.
E gobiernonan di e islanan BES a expresa fuerte objeccionnan, particularmente contra e continuacion di e ofisina di Representante di Reino. Nan frustracion a cresce despues cu gabinete Schoof unilaterlamente a reversa un acuerdonan anterior cu ex-Secretario di Estado Van Huffelen pa aboli e posision.
Actual Secretario di Estado pa Relacionnan di Reino Van Marum, cu a papia cu medio caribeño diabierna, a reconoce e preocupacionnan pero el a enfatisa cu den Hulanda Europeo tur nivel mas abou di gobierno tambe tin un supervisor cu tin autoridad pa interveni ora ta necesario. El tin plan pa biaha Caribe Neerlandes medio oktober, caminda sin duda e cuestion aki lo wordo discuti mas aden.
Ex minister Plasterk ta critica bishita extenso di Jetten na seis islanan di Reino
AMSTERDAM – Ex-minister di Relacionnan di Reino Ronald Plasterk a critica prome minister hulandes Rob Jetten pa su extenso bishita na Caribe Hulandes fuertemente, incluyendo Aruba. Segun Plasterk, ta “incomprendibel” cu Jetten ta dedica tanto tempo na e islanan mientras cu “mundo ta na candela”.
Douane na Hulanda a intercepta 43 miyon cigaria ilegal den un luna
ROTTERDAM - Autoridadnan di douane na Hulanda a logra intercepta mas cu 43 miyon cigaria ilegal den solamente un luna. E mayoria di e cargamentonan a wordo descubri den containernan maritimo den haf di Rotterdam, hopi biaha cu yudansa di cacho specialisa. Te awor, por lo menos diez sospechoso a wordo aresta.
Raad van State: Hulanda no a demonstra pakico Aruba mester ley pa kita nacionalidad di terroristanan
ORANJESTAD – Afdeling advisering di Raad van State di Reino Hulandes a conclui cu gobierno hulandes no a fundamenta suficientemente pakico ta necesario pa haci e ley cu ta permiti kita nacionalidad hulandes di personanan cu ta uni cu organisacionnan terrorista na exterior, algo permanente.
Eurovisie Songfestival ta cuminza: cu Israel pero sin Hulanda
AUSTRIA – Eurovisie Songfestival ta cuminza awe anochi den Stadthalle na Austria, pero e biaha aki sin participacion di Hulanda. AVROTROS a decide pa no participa despues cu organizacion EBU a confirma cu Israel lo sigui participa den festival. Austria ta organisa e evento despues cu cantante JJ a gana anja pasa cu e cancion “Wasted Love”. Ta e di tres biaha den historia cu Austria ta organiza Eurovisie. Hulanda solamente dos biaha anteriormente no a participa den festival, pero esta biaha e decision ta politico. Tambe Spaña, Slovenia, Islandia y Irlanda a decide di no participa.
Hantavirus: Stewardess hulandes di KLM ta test negativo , pero mas britaniconan infecta
AMSTERDAM - World Health Organization (OMS) a confirma cu e stewardess hulandes di KLM cu tabata den aislamiento na Amsterdam, no tin hantavirus. Testnan a confirma cu e no a wordo infecta, apesar cu durante su trabou na Johannesburg el a drenta den contacto cu un hende hulandes cu posteriormente a muri despues di a wordo infecta abordo di crucero MV Hondius.
CBCS ta lansa monedanan commemorativo pa celebracion di clasificacion di Corsou pa Mundial
AMSTERDAM - Centrale Bank van Curacao en Sint Maarten (CBCS) ta lansa dos moneda commemorativo special pa honra clasificacion historico di seleccion di futbol di Curacao pa Mundial di Futbol. Ta trata di un moneda di plata di cinco florin y un moneda di cincuenta cent.
Follow NoticiaCla
