Na Corsou, Urvin ‘Nuto’ Wawoe ta haya sentencia di bida largo

WILLEMSTAD - Riba 23 di september 2025, huez a dicta sentencia den e caso penal contra Urvin ‘Nuto’ Wawoe y a condene na castigo di bida largo. Durante seis dia di audencia den e lunanan di juni i juli di 2025, e caso a wordo trata den kazerna Suffisant bou di medidanan di siguridad pisa.

Durante e audiencia, Ministerio Publico a pidi un castigo di bida largo, i defensa a argumenta cu Wawoe mester wordo absolvi di tur e echonan cu ta sospeche. Huez a absolvi Wawoe di involucacion manera instigador den e tiramento na Hato dia 15 di juli 2014. Si ta condena Wawoe pa instigacion di e asina yama asesinatonan di vengansa cu a wordo comete despues di e asesinato di Latoya Flanders, cu na es momentonan tabata pareha di Wawoe. Esaki cu e excepcion di instigacion di e asesinato di Omar Jones, di cual Wawoe a wordo absolvi.

Dos persona efectivamente a fayece a causa di e asesinatonan instiga pa Wawoe., mientras cuater persona a sobrebibi e intento di asesinato instiga.

Aparte di e delitonan aki, Wawoe tambe a wordo condena pa lidera e organizacion criminal NLS. E organizacion aki tabata envolvi den asesinatonan i trafico di droga riba gran escala. Finalmente, tambe a wordo condena pa tres transporte di droga cu un total di mas cu 340 kilo di cocaina, i pa actonan preparativo di mas transporte di droga.

Tantu Wawoe como Ministerio Publico tin e opcion di apelacion di e sentencia den dos siman despues di e veredicto.

Por consulta e texto completo di e sentencia pseudonimisa riba www.rechtspraak.nl, ECLI: ECLI:NL:OGEAC:2025:198.