Ruthline Theysen nombra como Director di Cuminda & Bebida na Aruba Marriott

ORANJESTAD - Ruthline Theysen a wordo nombra como Director di Cuminda & Bebida na Aruba Marriott Resort & Stellaris Casino, efectivo 1 di oktober 2025. Den e papel di liderato aki, Theysen lo controla tur operacionnan di cuminda i bebida den e compleho, cu ta inclui 15 restaurant i bar, banquete, evento i servicio di comedor den camber. Su liderato lo dirigi riba plan estrategico, subi calidad di servicio i fortifica tur experiencia den comedor pa huespanan di resort.

Un lider cu raiz den hospitalidad Arubiano

Como un oriundo orgulloso di San Nicolas, Aruba, Ruthline Theysen ta trece hopi experiencia na su cargo nobo, combiniando habilidad operacional cu un compromiso fuerte den recurso humano. E tin un trayekto largu di liderato den Aruba Marriott. Prome di su nombramento nobo, e tabata Acting Director Complex di Cuminda & Bebida i desde 2014 tabata Director Complex di Recurso Humano. Su experiencia amplo a pone dje un figura clave den resort, conoci pa su enfoke riba forma talento, bienestar di empleadonan i stimulacion di un cultura positivo den organisacion.