Tata di victima di abuso sexual den corte: ‘For di october 2024 nos famia a cay den otro!’

ORANJESTAD – Desde cu e famia W. y R. a tende di e suseso rond di nan dos yiunan, nan famia nan bida a bolter completamente. Asina e tata, R. a bisa ora cu e la hiba palabra diabierna den corte, den e caso di violacion sexual door di sospechoso Sigi K. “Desde 2024 october nos famia a cay den otro” e tata a cuminsa bisa. E ta referi na e 8 aña largo cu su yiu muhe tabata wordo viola, intimida. cumpra cu regalo. Y no solamente su yiu, sino a hinca e amiga B. aden tambe. Ora cu e tata a wak e video cu nan a traha, hungando cu arma, e ta gradici Dios cu e no tabata arma y cu e arma no a tira.”Como tata, mi a sinti e herida personalmente. Wanhoop”. Dado momento e la dirigi su mes na Siki K. “Si bo ta homber, bo ta mirami den mi cara. Wak mi awo!” e la keda bisa K, mirando den su direccion. Esey tabata un momento di tension, unda cu e personal di seguridad a prepara pa actua, dado caso e tata dicidi di bay pa e acusado den corte. Pero, e tata a contene su mes. “Mi no a pensa diferente” e tata a bisa, ora cu e la ripara cu K, no a reacciona y a keda wak straight su dilanti.  “Mi ta sintimi un depredador sangriento ( bloeddorstige roofdier:red). Bo a kita e inocencia (di e yiu)”. E abogado no a scapa. E la dirigi su mes na e abogado:” Realisa kico bo ta defende.. un hende cu ta kibra hende. Un egoista cu ta traha riba su propio gana. Un hende cu ta u peliger pa hende. E ta un atentado di henter e netwerk di nos amistad” e tata a sigui bisa na e aboagado. Y na e huez, e tata a pidi pa tene cuenta cu e actonan a cuminsa for di tempo cu e yiu tabatin apenas 5 aña di edad. Y a pidi pa husticia pa su yiu.  

MAMA DI VICTIMA

E mama di e otro victima, B, a bisa cu e looke a pasa tabata un surprise pa nan. Cosnan scondi semper ta sali na cla. E ta un daño si. E ta un menor di edad. Y e tambe a dirigi su mes na e acusado. “Abo como persona, cu ta traha cu ley, bo mester tin mas conocemento. Dios sa, cuanto mas mucha inocentemente a wordo perhudica. Bo a haci hopi daño. E yiu ta warda tur cos aden. Nos mester cana un caminda di ayudo di psicologo, y psiciatra. No tin un prijs pa e daño cu bo a causa nos yiu muher” e mama di B a bisa finalmente.