Gabinete Schoof despues di veredicto di comision di VN: No tin genocidio den Gaza

DEN HAAG - Gabinete Schoof no ta sigui e conclucion di comision di investigacion di Naciones Unidos cu Israel ta comete genocidio den Gaza. Ministro demisionario Van Weel di Asunto Externonan ta scirbi den un carta na Camara cu Hulanda cu ta usa e termino aki cu hopi cuidou. Segun e ministro, ta  Corte Penal Internacional cu mester determina si tin genocidio.

Segun Van Weel, esaki no ta nifica cu gabinete demisionario ta cera wowo pa sufrimento di pueblo Palestino. “E cuido di Hulanda pa no yama cosnan genocidio no mester wordo mira como negacion di e gravedad di situacion den Faha di Gaza. E sufrimento humano ta sin precedente y e gravedad no ta scapa gabinete.”

Investigadornan ta bisa den e raport di VN, cu a sali e siman aki, cu declaracion y accion di lidernan Israeli ta mustra cu tin un intento consciente pa destrui pueblo Palestino.