Corsou cu caso di asesinato di hoben na Brievengat

WILLEMSTAD – Un homber relativamente hoben, segun por a wordo nota, a perde su bida den un tiramento den Brievengat. E no tabata un accidente of incidente chikito, sino cu e sospechosonan a dirigi directo pa e victima. Polis a informa cu dialuna 15 di september 2025 den oranan di marduga, rond di mitar di 1, Central di Polis a manda unidadnan na pomp di gasolin na Brievengat pa un caso di tiramento.

For di investigacion preliminar a keda cla cu un homber a core yega na un Café riba Kaya Charles Maduro. Un tiki despues un otro vehiculo a core yega tambe. Un homber a baha for di e vehiculo aki y a cuminsa tira riba e otro auto.

E auto den cual e victima tabata a kita for di e sitio, pero no hopi leu e a dal fuerte contra muraya di pomp di gasolin.

E victima tabatin diferente herida den parti ariba di su curpa y a fayece mes riba e sitio.

Dokter di polis a confirma e morto. E vehiculo di e victima, cu a keda yen di perforacion di bala, a wordo confisca pa investigacion mas profundo.

Na e sitio tambe a confisca un cantidad di casco di bala. Den e auto di e victima tambe autoridatnan a confisca hopi placa, aunke Polis no a duna raport di esaki.

EXTRA tabata na e sitio di crimen y a bisa cu segun algun version, e tiramento a cuminsa na un discotec serca. E victima a yega parker dilanti di e discotec, y un vehiculo a para su tras; mesora un persona arma fuerte a baha y a cuminsa lansa tiru riba e victima. Durante di e tiroteo e victima a trata bandona e sitio, pero a bek dal den vehiculo di e agresornan y tambe di otro hende cu tabata na e sitio. Den su maniobra pa scapa, e victima a kere di dal un di e agresornan cu su auto.

Ora e victima logra sali di e sitio di parker, e a bai cu velocidad haltu y a accidenta contra muraya di pomp di gasolin Brievengat.

E team di Resherchi y TFO a presenta na e sitio y a confisca hopi huls y parti di vehiculo di e agresornan cu a queda atras, mientras esakinan mes a hui. Den auto di e victima Polis a topa un cantidad grandi di placa cash.

E auto di e victima a queda perfora cu bala. Rond e curpa di e auto tabatin hopi buraco di bala, y Polis a bisa cu e victima a queda hiri den parti ariba di su curpa.

Polis ta informa cu te awor, no por suministra identidad di e victima. Investigacion ta sigui.