Islanan BES ta busca sosten di Corsou, Aruba y Sint Maarten pa trata igual den Reino

ORANJESTAD/ KRALENDIJK – Representantenan di consejo insular di Boneiru, Sint Eustatius y Saba ta di bishita e siman aki cerca parlamento di Corsou, Aruba y Sint Maarten pa busca sosten pa trata igual y pa un bos mas fuerte den Reino di Hulanda.

E movida aki ta bin como respuesta na e bosqueho di revisa di lei WolBES, cu ta duna Representante di Reino (Rijksvertegenwoordiger) e papel di “vigilante pa bon gobierno.” Islanan BES ta argumenta cu e funcion aki ta debilita autonomia lokal y ta limita nan capacidad pa actua independiente. Nan ta pidi hopi aña pa aboli e posicion aki.

Den un declaracion, Consejo Insular di Boneiru a expresa descontento pasobra nan a wordo pone banda durante e proseso di consulta. “Aun cu e bosqueho ta habri pa opinion publico, bos di e islanan ta wordo afoga pa mayoria den Hulanda Europeo, unda hopi biaha tin poco comprension pa nos circunstancianan unico,” segun e conseho.

Mision di e delegacion ta pa haya sosten moral di e otro paisnan Caribense den Reino y pa present un frente unifica na Den Haag. “Ta riba nos, pero sin nos. Esaki no por y no mester pasa. Nos ta yama pueblo di Boneiru y nos partnernan den Reino pa para hunto pa un posicion justo y balancea pa tur seis islanan,” segun e declaracion a continua.

Delegacion BES ta inclui cinco miembro di Consejo Insular di Boneiru — Désirée Coffie, Rolanda Hellburg-Makaai, Daniel Crestian, Cyril Vrolijk y Benito Dirksz — huntu cu Anthony Weber, comisionado di Boneiru pa Asuntonan Constitucional, y Clyde van Putten di Consejo Insular di Sint Eustatius. Consejo Insular di Saba a scoge pa no biaha pero lo tuma parti digitalmente den reunionnan cu parlamento.

Door di apela directamente na Corsou, Aruba y Sint Maarten, islanan BES ta spera fortalece nan posicion den e debate actual tocante gobierno y igualdad den Reino.