- KPA: Persona deteni cu pistool y sentencia hopi lihe
- KLM tin e tripulacion di vuelo mas caro na mundo
- Gobierno di Hulanda ta bai apela contra desicion di clima pa Bonaire
- Foro Siguridad sin frontera: Colaboracion ta decisivo contra menasa moderno
- Grand slam historico di Xander Bogaerts di Aruba ta duna Padres victoria
JetBlue ta stop su operacion pa aeropuerto Internacional di Miami
MIAMI - JetBlue Airways a termina su operacion na Miami International Airport dia 3 di september 2025. E desicion ta parte di un strategia pa corta gasto y elimina ruta cu no ta rindi suficiente beneficio. E aerolina ta bula pa Aruba tambe, pero for di New York, Boston y Newark.
JetBlue a cuminza operacion na Miami den 2021, y actualmente ta opera solamente dos buelo diario entre Miami y Boston Logan International. Na su epoca mas fuerte, e aerolinea a yega tene te 14 buelo diario. Segun un portavoz di JetBlue, cliente cu tin pasashi despues di fecha di 3 september lo ricibi opcion pa bula for di Fort Lauderdale of ricibi un refund completo.
Miami International, cu ta e di dies aeropuerto mas ocupa di pais y un hub importante pa viaje pa Centro y Sur America, a ricibi notificacion oficial di e cambio for di Miami-Dade Aviation Department siman pasa.
Den un comunicacion interno, CEO di JetBlue, Joanna Geraghty, a bisa cu ta esencial pa stop ruta cu ta rindi poco, pa motibo cu demanda di viaje ta baha. E empresa ta sigui tene un presencia fuerte den Fort Lauderdale y mercado manera JFK den New York, pero e cambio lo yuda pone mas enfoke riba operacion cu ta duna mas beneficio.
Prome minister hulandes Jetten ta bishita president Trump na Merca
WASHINGTON - Prome minister hulandes Jetten lo bishita Washington D.C., Merca, riba dialuna 13 di april 2026. E bishita ta enfoca riba e bon relacion transatlantico y ta pone enfasis riba e relacion bilateral fuerte y e bandanan historico entre Reino di Hulanda y Merca.
Hefe di NAVO Rutte ta sigui apoyo pa guera di Trump na Iran, apesar di critica
WASHINGTON - Hefe di NATO, Mark Rutte, ta sigui sostene e guera di Donald Trump na Iran, apesar di critica cu e posicion aki no ta comparti pa tur miembro di NAVO. “Den e alianza semper lo tin diferente opinion,” Rutte a bisa. “Esaki ta inevitabel. Ta democracia nan.”
“Foto no ta AI, pero real”: 250 poodle a wordo haya den un cas na Reino Uni
LONDON - Den Reino Uni, un organizacion di bienestar di animal a haya 250 cacho den un cas di un criador, unda decenan tabata den un solo sala. E imagennan a wordo pone na social media y algun hende a bisa cu ta falso of crea cu inteligencia artificial, pero segun e organizacion, esaki no ta berdad.
Venezuela kier exporta galiña y webo pa Aruba dentro di 5 luna
CARACAS - Den mas o=f menos 5 luna, sector avicola di Venezuela ta spera di cuminsa exporta galiña y webo pa e islanan ABC (Aruba, Bonaire y Corsou). Presidente di Fenavi, Francisco Tagliapietra, a bisa cu ya tin progreso importante pa logra esaki. Nan ta traha riba un ruta maritimo cu por funciona tur dia pa manda producto fresco pa e islanan, cu ta solamente como 70 milla nautico leu.
Anguilla a baha costo di importacion: Aruba por haci mescos?
ORANJESTAD – Gobierno di Anguilla a anuncia un medida temporal pa alivia costo di bida, eliminando gasto di transporte (freight) y seguro for di calculo di impuesto di importacion. E decision, comunica door di Departamento di Aduana di e isla, lo drenta na vigor dia 10 di april 2026 y lo dura tres luna.
Paro di fuego historico: Hormuz ta habri y tension global ta baha (temporal)
WASHINGTON - Merca y Iran a yega na un acuerdo pa un paro di fuego di dos siman. Merca, hunto cu Israel, lo stop cu atakenan, mientras Iran lo habri estrecho di Hormuz pa tur trafico maritimo y tambe suspende su atakenan. E acuerdo a drenta na vigor mesora, despues di mediacion di Pakistan.
Follow NoticiaCla
