- AAA: No mester kita sapato mas na aeropuerto ora di screen pa biaha!
- Avion di American Airlines cu a bati alarma prome, a baha bek sano y salvo na Aruba
- Gobierno a anuncia multa y sancion si viola prijs di producto den canasta basico
- Debe di gobierno na banconan a baha considerablemente caba den 2026
- Awe gana 150 mil florin cu Roll Down di Lotto di Dia
Problema entre dos primo ta resulta den un final mortal
SANTA CRUZ – Problema entre dos primo diasabra mainta, a resulta den un final mortal na Coba Lodo. Diasabra mainta pa 6:07 central di polis a wordo informa di un caso cu a tuma lugar dilanti un cas na Coba Lodo y cu lo a scucha tironan. E prome informe tabata cu lo tin un hende homber band’i caminda cu no ta reacciona. Central di Polis ta despacha patruya y ambulance cu maximo urgencia na e sitio.
HOMBER NO TABATA REACCIONA
Na yeganda polis ta topa enberdad cu un hende homber band’i caminda na suela y no tabata reacciona. Ambulance ta yega na e sitio pero lamentablemente no por a haci nada mas pa e victima.
Polis technico, recherche, fiscal, departamento di slachtofferhulp como tambe dr.Forensico a presenta na e sitio.
Dr. Voskuil ta constata morto di e victima e hende homber Rene J. Paesch naci na Aruba 30 december 1990 (34 aña). CONFISCA E CURPA
E curpa a wordo tuma den beslag y e investigacion ta den man di recherchenan pa sa kico exactemente a sosode. Segun polis, t’e cu awor no por bisa dor di kico e victima a fayece y investigacion lo mester saca afor esaki. Ta mustra sinembargo segun informacion di Noticiacla, cu por ta un caso di reglamento di cuenta cu por a termina den un caso di asesinato.
DETENCION
Tambe na e sitio a detene un hende homber relaciona cu e caso aki. Tambe un auto y un brommer a wordo confisca y hiba warda di polis pa mas investigacion.
Cuerpo Policial ta haci un apelacion si abo a wak of sa algo pa yama e tiplijn di polis cu ta 11141.
Bo ta keda anonimo.
Noticiacla y Cuerpo Policial Aruba ta manda palabra di condolencia na famia di e fayecido.
Ex docente ta muri despues di a bira malo tras di stuur
ORANJESTAD – Un homber di 74 aña a muri diamars despues cu e la bira malo tras di stuur den De la Sallestraat, cerca di La Salle College. Ta trata di e ex docente Orlando Edmund Lo-Fo-Sang. Segun Cuerpo Policial Corsou, centro di despacho a ricibi rond di 12:00 un yamada di un accidente di trafico unda un conductor mayor di edad a bira malo y no tabata responde mas. Polis y ambulancia a wordo manda inmediatamente pa e lugar.
Polis a duna mas di 100 multa durante control di trafico na Sta Cruz
STA CRUZ - Diasabra anochi polis di districto di Santa Cruz a tene un control pa velocidad halto. A para diferente puntonan strategico y cu cooperacion di Unidad Motorisa a tene e accion di e control. Un total di 112 boet a wordo reparti pa surpasa e velocidad halto. E velocidad mas halto tabata di 170 km pa ora. Durante control tambe a haci dos detencion.
Aruba ta conoce su di 4 morto den trafico pa 2026
ORANJESTAD - Gilliane Russiane Albert (27) a bira e di 4 morto di trafico diasabra merdia. Tabata diaranson anochi 4 maart 2026 pa 10:54 di anochi Central di Polis a wordo notifica di un accident cu a tuma lugar riba caminda di Seroe Tijshi. Un auto lo mester a bolter lagando e chauffeur herida.
29 aspirant di Scol di Polis a huramenta y 25 brigadier a completa nan MKO
Campaña conhunto pa entrega arma di candela a inicia
Hobencito di 5 aña bringando pa su bida debi na posibel negligencia na creche
ORANJESTAD – Un hobencito di 5 aña ta bringando pa su bida awe nochi, caminda pa Bogota Colombia, despues cu pa motibo di aparente negligencia na un creche na San Nicolas, e la bira asina malo cu tabata teme pa su bida. Ta mustra cu na e creche, lo a lubid’e pa varios ora, mientras cu e tabata cera den un van di e compania. Diamars atardi central di Polis a wordo notifica door di AC (alarm central) di e caso serio ora cu ya e mucha homber di 5 aña a yega na Imsan y e no tabata reacionando.
Follow NoticiaCla
