Arendsz: Fanaticonan di Aruba haciendo boroto a yuda e campionnan di Caribe

Arendsz: Fanaticonan di Aruba haciendo boroto a yuda e campionnan di Caribe

Posted on 08/22/2025 10:14 am AST | Updated on 08/22/2025 10:25 am AST

WILLIAMSPORT – E manager  di e seleccion di baseball little league di Aruba, Max Arendsz, tabatin un idea di strategia pa bay den e wega di eliminacion di diarason contra Tokyo, Hapon na Volunteer Stadium y e no tabatin absolutamente nada di haber cu e Sistema of strategia di baseball. Por lo menos asina e corant mas grandi di Williamsport, Williamsport Sun Gazette a raporta.  Mas bien, segun e corant, el a bisa e numeroso fanaticonan di Aruba cu tabata bisti na blou y preto riba e liña di primera base di Volunteer Stadium pa ta haci desordo, borota, y hacie duro. Realmente duro. Nan a nota cu fanaticonan di Mexico, Hapon i Puerto Rico durante henter e Little League World Series tabata haci hopi boroto y  a anima durante tur e weganan di nan respectivo region. Pues Arendsz tabata sa cu si e fanaticonan di Caribe tabata keto, tur su hungadonan lo a tende e fanaticonan di Hapon cu tabata bira mas i mas duro. E no por tabata un strategia cu hopi lo a pensa, pero sigur el a funciona pa e all-starnan di Arendsz.

E fanaticonan di Aruba tabata haci hopi boroto durante henter e wega di diarason, y nan a bira mas duro solamente ora Davian Raven a aplasta un homerun pa un bentaha di Aruba di 1-0. I despues nan a bira un tiki mas duro despues di esei ora Emerson Mercado a aplasta un. “Mi ta kere cu nan ta super entusiasma tambe pa ta aki biniendo di asina leu. Nos tin un sociedad hopi multi-cultural. Pues nos tin diferente influencia cu ta Latino, Caribense, Mericano. Pues nos ta un cultura basta duro. Bo ta bai un wega na Aruba, e ta hopi duro y tur hende ta canta,” Arendsz a bisa. “Nan ta duro, pues mi a pidi nan pa duna e muchanan hopi sosten. Nos no ta canta durante henter e wega. Puerto Rico, Mexico y Hapon, nan ta canta henter e wega. “Asina mi a bisa ‘comon, mustra e tiponan aki sosten.’ Si nan keda keto, nan lo sigui tende e otro fanaticonan canta. Esei tabata un tipo di strategia cu nos tabatin.” “Boso a tende nos fanaticonan. Nunca bo no ta tende nan den Caribe, nan ta super duro. Nan por trece bandanan riba tereno pa cada banda, pues e ta hopi hopi duro,” Arendsz a bisa. “Nan ta custumbra cune.”

E zonido sigur no ta molestia e hungadornan di Aruba, nan ta stim’e y ta prospera cun’e. No solamente e atmosfera cu fanaticonan y seccionnan di animacion duro ta yuda prepara Aruba pa momentunan di big-game, asina tambe e echo u Aruba no a hunga nada otro cu ekipo tras di ekipo sobresaliente.

 

  • Powered by SETAR