Aruba a tuma revancha contra Venezuela y ta sigui pa final internacional

WILLIAMSPORT – E seleccion di Aruba den representacion di Caribe den e Little League World Series 2025, a tuma revancha diahuebs atardi contra e seleccion di Venezuela, representando Latino Americano, ganando e wega 3-1. Revancha pasobra aña pasa tabata e mesun Venezuela cu a gana Aruba na final y elimina nos isla. E biaha aki, cos tabata diferente. Aruba a hunga consistente, cu algun bon hugada, poco suerte y logra e victoria importante cu ta mande pa final di e serie pa loke ta internacional. Na final di di 6 inning, cos tabata poco tenso, pero Aruba a domina nan mes y a saca dos out, y a ponche e ultimo hungador, ganando asina e partido importante. Nan ta bolbe topa Taipei Chines diasabra awor pa 12’or y mei di merdia. Si nan gana esaki, nan ta topa Merca su ganador diadomingo 3’or di atardi.