Merca ta desplega barconan di guera cerca di Venezuela pa combati menasa di droga

WASHINGTON  (Reuters) - Tres destructor di misil guia Aegis di Merka lo yega na costa di Venezuela den e proximo 36 oranan como parti di un esfuerso pa atenda menasanan di cartelnan di droga latinoamerikano, dos fuente informa riba e asuntu a bisa dialuna. Presidente Donald Trump kier a usa e militarnan pa bai tras di gangnan di droga Latinoamerikano cu a wordo designa como organisacionnan terorista mundial.

Un funcionario separa di Merca a bisa Reuters cu en total, ta anticipa cu alrededor di 4.000 marinero y marinier ta compromete cu e esfuersonan di e administracion di Trump den e region sur di Caribe. E oficial mericano ei, cu tabata papia bou di condicion di anonimato, a bisa cu e compromiso adicional di activonan militar den e region mas amplio lo inclui varios avion di spion P-8, barco di guera y por lo menos un submarino di atake. E funcionario a bisa cu e proceso lo ta continuo pa varios luna y e plan tabata pa nan opera den espacio aereo internacional y den awanan internacional. E activonan naval por wordo usa pa no solamente realisa operacionnan di inteligencia y vigilancia, pero tambe como un plataforma di lansamento pa atakenan dirigi si un desicion wordo tuma, e oficial a agrega.

Ministerio di comunicacion di Venezuela no a contesta mesora riba un peticion pa comentario. Sin referi na e barconan di guera, presidente Venezolano Nicolas Maduro a bisa dialuna den un discurso cu Venezuela lo “defende nos lama, nos shelo y nos terenonan”. El a aludi na loke el a yama “e menasa straño i straño di un imperio den decadencia.” Trump a hasi reprecion di kartelnan di droga un meta central di su administracion como parti di un esfuerso mas amplio pa limita migracion y sigura e frontera sur di Merca. E administracion di Trump den e ultimo lunanan ya a desplega por lo menos dos barco di guera pa yuda den esfuersonan di seguridad na frontera y traficacion di droga. E administracion di Trump a designa e Cartel Sinaloa di Mexico y otro gangnan di droga, como tambe e grupo criminal Venezolano Tren de Aragua, como organisacionnan terorista mundial na februari, mientras cu el a intensifica e enforsamento di inmigracion contra supuesto miembronan di gang.