Papa ‘Tímido’ Leo XIV den prome 100 dia como pontifice ainda no a scohe su rumbo papal

VATICANO -Riba e dia di fiesta di e Asuncion di Maria, Leo XIV lo cumpli su prome shen dianan como papa. E lo haci esaki cu un Misa na Castel Gandolfo, e residencia papal tradicional den e seronan pafo di Roma. Ta di dos biaha e zomer aki cu e ta scapa di e calor di stad einan. Haciendo esaki, e ta restaurando e tradicion di siglonan bieu di vacacionnan papal di zomer, cu a wordo poni un banda pa su predecesor, Francisco. Den e ultimo lunanan, Leo XIV a papia principalmente cu un rango amplio di hende: for di funcionarionan halto denter di finansa di Vaticano te na hefenan di tur departamento denter di Curia, e organo di gobernashon di iglesia.

Te awor, e no a nombra ningun funcionario halto importante. E nombracionnan cu el a haci ta mustra cu e ta sigui e politica di su predecesor. Segun hopi vigilante di Vaticano, Leo kier warda y wak kico ta pasa prome. Esaki no ta completamente sorprendente. For di e prome escena di balkon riba e dia di su eleccion, a sali na cla cu Papa Leo tabata lucha pa ta constantemente den e spotlight. Contrali na su predesesor hopi extroverti y impulsivo, e tabata lesa su discursonan na bos halto y rara bes e tabata papia sin pensa. Tin biaha e tabata parse tímido y segun algun, asta un tiki burachi.

Pero durante e dianan hubenil di e Aña Santo, el a demostra di conecta bon cu un miyon peregrino hoben na Roma. Remarkabelmente, e por cambia sin esfuerso entre e italiano di Iglesia cu ta bira mas y mas pronuncia, e spaño cu el a domina na Peru, y su ingles nativo. Esaki ta duna su papado un atraccion internashonal. Aunke e ta parce di ta tene su carchinan cerca di su pecho pa awor, ta spera cu Leo XIV pronto lo revela e rumbo cu e ta scohe pa Iglesia.