Refrinan di futbol Ingles y Aleman ta bay bisti ‘refri-cam’ como experimento

LONDON - Premier League, e liga Ingles di futbol, lo test e asina yama Refcam  (manera loke polis ta bisti como body cam, pero na orea) durante e prome buelta di partidonan e fin di siman aki, The Guardian ta informa. E inovacion probablemente lo wordo usa tambe den e liga aleman. Refrinan ta bisti un camara na nan orea cu ta conecta na un microfono. E Refcams no ta mustra imagennan di accion bibo, pero ta ofrece televidentenan replay for di e perspectiva di e refri. Segun e corant Ingles, e tecnologia nobo ta destina pa bira un caracteristica permanente di transmisionnan en bibo pa resto di temporada. Segun informe, e clubnan y partnernan di transmision di Premier League ta apoyando e prueba.