Aeropuerto St Maarten preparando pa tormenta Erin

SIMPSON BAY - Aeropuerto Internacional di Prinsesa Juliana ta vigila di aserca Tormenta Tropical Erin y ta prepara pa impactonan potencial. Asina e portal Curacao.nu ta raporta. E tormenta actualmente ta basta leu di Caribe. Segun e ultimo informenan, Tormenta Tropical Erin ta situa mas o menos 1.300 kilometer west-noordwest di e Islanan Cabo Verde y 2.800 kilometer oost di e islanan di Sotavento nort. E tormenta ta move den direccion west cu mas o menos 37 kilometer pa ora (23 mph) y tin biento sostene di 72 kilometer pa ora (45 mph). Modelonan di weer ta pronostica cu Erin lo fortalece gradualmente den e proximo dianan. Pronosticonan actual ta sugeri cu e tormenta lo pasa noord di Caribe, pero aeropuerto ta keda vigilante pa cualkier cambio di rumbo.

ACTUALISACIONNAN NA TEMPO PRIMINTÍ

Aeropuerto Internashonal Prinses Juliana ta primintí di duna actualisacionnan na tempo si Tormenta Tropikal Erin cambia di rumbo of fortalece na un manera cu por afecta operacionnan di buelo. E aeropuerto ta conoci como e di dos mas druk den Nortoost di Caribe y ta sirbi como un centro grandi pa Saba, Sint Eustatius, Sint Barthélemy, Anguilla, Dominica, Nevis i Tortola. E aeropuerto ta anticipa di por maneha 1.7 miyon pasahero pa 2025.