De Meza ta entrega otro caso sumario contra Ministerio Publico awe

ORANJESTAD – Abogado mr Desiree Croes ta entrega otro caso sumario awe pa su cliente Mike de Meza contra Ministerio Publico. Asina e abogado a confirma awe mainta. E caso su contenido lo ta mescos cu prome, esta 1. duidelijke uitleg riba e beschuldiging contra dje y 2. Deadline pa laga sa si lo persiguie of no. “ Nos lo keda te ora logra” e abogado a sigui bisa.

APELACION PERDI

Tabata siman pasa diabierna cu Corte Comun di Husticia a dicta sentencia riba e apelacion entrega pa e abogadonan di ex candidato pa de Meza contra e decision di hues di Corte den prome instancia. Dia 17 di juli 2025, hues a rechasa e petishonnan di de Meza pa obliga ministerio publico pa inform’e mas tocante e sospechonan contra di su persona y pa tuma un desicion di persecucion den su caso penal prome cu 15 di augustus 2025. Corte Comun a dicta diabierna di ta di acuerdo cu ministerio publico cu e apelacion di  de Meza, no ta admisibel. Segun Corte, abogadonan di de Meza a entrega e apelacion aki laat. Debi na e eror aki, Corte Comun no por trata e apelacion contra e desicion di hues di Corte di Prome Instancia.