Boycot di canadesnan contra Trump, ta yudando e.o. Aruba como destinacion turistico

TORONTO – E hecho cu canadesnan ta boicotiando Merca pa motibo di e administracion di Trump, ta beneficiando e.o. e destinacion Aruba. Asina por compronde di un articulo di CBC News riba e tema. Segun e articulo, Canadesnan ta gastando mas cen pa destinacionan mas leu awor, segun un informe nobo di  Flight Center Canada suministrá na CBC News. Biahe pa Aruba for di Canada a aumenta cu 71 porciento, mientras cu pa Corsou, esaki a aumenta mas ainda, cu 101%. Pa Argentina esaki ta 148 porciento, 137 porciento pa Hapon, y 114 porciento pa  .

ATAKE DI TRUMP

E atakenan di presidente Donald Trump riba economia di Canada y menasanan pa haci’e e di 51 estado a infuria e Canadesnan, cu ta cancelando biahenan pa Merca den gran cantidad.

Kelly Bergquist, un residente di Alberta, a bisa CBC News ku e guera comercial entre DC y Ottawa a pone cu e la cancela su biahe anual pa Merca. Canadesnan pa hopi tempo tabata e miho biaheronan internacional pa Merca, impulsando $20.5 biyon na gasto aña pasa.

Pero e biahe aereo Canades pa Merca a baha cu 13.5 porciento na maart compara cu un aña prome, y esnan cu ta crusa frontera cu auto a baha cu mas di 30 porciento, datonan di Statistics Canada a revela.

Merca ta haña mas bishitante for di Canada tur aña cu for di cualkier otro pais, segun e Asosiacion di Biahe di Merca, un grupo di comercio di industria, cu a bisa cu e 20.4 miyon bishita for di Canada aña pasa a genera $20.5 biyon na gasto.