Otro siman ta inicia proceso pa busca candidato nobo pa Presidente di Corte Comun

ORANJESTAD -E proceso pa reemplasa e actual presidente di Corte Comun di Husticia, ,mr Mauritsz de Kort ta bay inicia. Manera ta conoci, de Kort lo keda nombra Gobernador di Corsou entrante 4 di november 2025. Cu e nombramento aki, su puesto como Presidente di Corte pronto lo bira vacante, y como tal, e proceso pa busca un sucesor lo cuminsa.

De Kort mes lo keda Presidente di Corte Conhunto di Husticia te cu dia 4 di november 2025, un funcion cu el a ocupa for di 2022.

E proceso pa un Presidente nobo lo sigui proceduranan establese y estricto, den cua, cuido ta primordial. E presidente di e comision di seleccion lo hunga un rol lider den e proceso aki. Ta premira cu e proceso di reclutamento lo cuminsa otro siman.

Un prome paso importante den e proceso ta establece e profil di trabou, cu ta delinea e exigencianan y cualidadnan desea di e Presidente nobo. E detayenan aki lo ta detaya den e anuncio di vacatura cu lo wordo publica internamente y externamente. No ta conoci ainda ki dia lo haña un candidato adecua. E nombramento di e Presidente ta pa un periodo di cinco aña, di acuerdo cu reglamento vigente.