E superstrea di musica Justin Timberlake a keda diagnostica cu e malesa di Lyme

LOS ANGELES - E cantante-compositor y actor Justin Timberlake a comparti e diagnosis cu su fanaticonan den un post di Instagram diahuebs cu a refleha riba e conclucion di su gira mundial di dos aña di Forget Tomorrow. “Manera hopi di boso sa, mi ta un persona basta priva. Pero segun cu mi ta reflehando riba e gira y gira di festival -- mi ke conta boso un tiki tocante kico ta pasando cu mi,” Timberlake a skirbi.

Malesa di Lyme ta un malesa infectivo transmiti pa sangura cu, si no wordo trata, por afecta e scarnirnan, curason y sistema nervioso, segun e Centronan pa Control y Prevencion di Malesa.

Mayoria caso di malesa di Lyme por wordo trata efectivamente cu un curso di 10 pa 14 dia di antibiotica. Sinembargo, den algun caso, sintomanan prolonga por persisti despues di tratamento, incluyendo cansancio, dolor di curpa, y dificultad cu concentracion of memoria. E condicion aki tin biaha ta wordo referi na dje como Sindrome di Malesa di Lyme Despues di Tratamento, of PTLDS.