- KPA: Persona deteni cu pistool y sentencia hopi lihe
- KLM tin e tripulacion di vuelo mas caro na mundo
- Gobierno di Hulanda ta bai apela contra desicion di clima pa Bonaire
- Foro Siguridad sin frontera: Colaboracion ta decisivo contra menasa moderno
- Grand slam historico di Xander Bogaerts di Aruba ta duna Padres victoria
Agencia di biahe mericano a estafa turistanan cu a biaha pa Aruba
CHICAGO/ ORANJESTAD – Un ekipo di noticia na ciudad mericano Chicago, ta investigando un agente di biahe di Chicago acusa di a laga hende pega riba nan vacantie pa Aruba y a core bay cu miles di dollar. Hendenan di tur parti di e pais a bisa cu e agente di biahe debe nan placa. Un dama local (mericano) a bisa cu su famia a paga e agente di biahe, Laticha Douglas, decenas di miles di dollar pa nan biahe pa Aruba. Nan a bisa cu e nunca a reserva nan cambernan di hotel y a core bay cu nan placa cash.
MILES DI DOLLAR PA VACANTIE PA ARUBA
Pa e biahe aki na Aruba, e turista a bisa cu pa su casa so el a suma mas cu $5.500. Pero ora cu nan a yega Aruba, tabatin un problema grandi na e resort. “E ora ei nan ta bisa nos, ‘Bo no tin reserva cu nos,’” Jones-Young a bisa. “’No tabatin pago. Bo reservasionnan a wordo cancela shete dia pasa pa motibo di no-pago.’”. E articulo no ta bisa na cua hotel esaki a sosode.
PANICO
Jones-Young a bisa ku e grupo tabata den un pániko. Nan no por a yega na e agente di biahe, y e website pa su compania, Flygirl World Travel, a wordo kita. Jones-Young a bisa cu su grupo na Aruba a termina mester a paga miles mas for di saco pa nan cambernan. Hende ta wordo encurasha pa tuma contacto cu FBI si nan ta kere cu nan a perde placa tratando cu e agente di biahe aki, of si nan a bira víctima di cualkier estafa di biahe of di internet. Bo ta wòrdu enkurashá pa entregá un keho aki: Ic3.gov. E públiko por tambe programá un sita en persona òf duna informashon dor di yama nan Ofisina di FBI lokal. E Ofisina di FBI Chicago por wòrdu alkansá na: (312) 421-6700.
Foro Siguridad sin frontera: Colaboracion ta decisivo contra menasa moderno
ORANJESTAD - E foro internacional “Security without Borders” a reuni expertonan di diferente pais na Aruba pa discuti temanan actual den seguridad, manera seguridad cibernetico, inteligencia artificial y innovacion den proteccion di organisacionnan. Durante e evento, a pone enfasis riba e importancia di colaboracion internacional y intercambio di informacion pa enfrenta menasanan moderno, specialmente den un mundo unda crimen organisa y riesgo digital ta bira mas complejo.
Aerolineas Argentinas ta ofrece buelo barata pa Aruba pa mercado argentino
BUENOS AIRES - Aerolíneas Argentinas a lansa un promocion cu ta permiti hende bula pa Aruba pa menos di un miyon peso argentino. E oferta ta inclui buelonan directo ida y bini for di Argentina pa mas o menos $649 dollar, cu maleta di man inclui y opcion pa paga den te 12 cuota sin interes. Cu e prijs actual di dollar, e pasashi ta baha di 920 mil peso, convirtiendo esey den un opcion atractivo pa un destino internacional di beach. Promocion ta valido te 12 di april y pa biahenan te 30 di juni 2026.
Lotto: Awe abo por ta e siguiente miyonario di Aruba!
A.T.A. ta inverti fondo di turismo pa reforsa siguridad den centro di Oranjestad
ORANJESTAD - Aruba Tourism Authority (A.T.A.) ta reforza siguridad den centro di Oranjestad mediante implementacion di un sistema nobo cu camara di vigilancia y speaker publico. E iniciativa ta enfoca riba prevencion di incidente, reaccion mas rapido den situacion critico y comunicacion mas efectivo cu publico. E comunicado no ta bisa cuanto placa ATA lo ta invertiendo den e proyecto aki.
Wingo ta lansa ruta temporal entre Aruba y Barranquilla
ORANJESTAD – Aruba lo tin un conexion aereo directo cu Barranquilla dor di un ruta temporal nobo opera pa Wingo. Asina aeropuerto di Aruba a confirma diahuebs mainta. E ruta lo conecta Aruba cu Colombia via Aeropuerto Internacional Ernesto Cortissoz.
Aruba cla pa conoce su di dos miyonario di 2026 cu Lotto
Follow NoticiaCla
