AVB no a renoba contracto di su secretario general actual

ORANJESTAD - Arubaanse Voetbal Bond (AVB) a anuncia oficialmente cu e contracto di Secretario General actual, Sr. Achmed Nunes, lo yega na su fin oficial dia 30 di augustus 2025. Despues di un evaluacion y consideracion, Directiva di AVB a tuma e decision pa no renoba e contracto. E decision aki a wordo informa formalmente na Sr. Nunes.  

E salida anticipa no ta basa riba motibonan disciplinario ni ta un suspension, sino parti di un plan di transision pa yega na un nivel di stabilidad administrativo. Sr. Nunes, lo continua di ricibi tur beneficionan laboral corespondiente t’e ora su contracto finalisa automaticamente na fin di Augustus 2025. Nos ta gradici Sr. Nunes pa tur su tempo y esfuerso pa cu su funcion y ta desea su persona hopi exito cu su proximo reto. 

Pronto lo anuncia un Secretario General Interino cu lo encarga cu debernan administrativo t’e ora cu nombra un Secretario General cu lo colabora hunto cu Directiva pa e duracion di 2025-2029. 

Mas detaye lo sigui den un otro comunicado pronto.