Tecniconan na Corte di Corsou (y Aruba) buscando motibo di 'shut down'

ORANJESTAD / WILLEMSTAD. - Ya ta un par di dia kaba ku tin problema ku sistema sibernetiko di Korte Komun. For di fuentenan Extra  y Noticiacla a komprondé ku sistemanan a kai afó i ku no por hasi hopi kos. Mientrastanto Noticiacla a compronde cu na Aruba cos ta normalisa awe diamars. Pero, e situacion a causa si cu a cancela e.o. e caso di apelacion di parlamentario Mike de Meza contra Ministerio Publico di Aruba, pasobra nan a label e como un sospechoso di ley. 

Korte Komun ta revisando e sistema pa wak eksaktamente kiko ta e kousa. Esaki ta motibu ku Korte no por duna un splikashon kiko ta e motibu ku e sistema a “shut down”.

Manera menshoná, téknikonan ta trahando pa pone tur kos bèk na òrdu pa trabou por kontinuá,.

Na Ulanda siman pasá, henter e sistema di Ministerio Públiko a bai plat pa algun dia. E echo ku kasonan penal ta mará na tempu, mester a improvisá pa tratamentu di e kasonan por kontinuá.

No ta konosí aki na Kòrsou te kon leu e situashon a afektá e operashon diario di Korte o sea Ministerio Públiko. NOTA: Texto parcialmente scirbi den papiamento fonetico di Corsou.