Tin chens cu pa Williamsport (LLWS) tambe, seleccion di Venezuela por keda afo pa motibo di visa

WILLIAMSPORT – Tin chens cu e seleccion di Venezuela cu tin cu representa Latino America na e Little League World Series na Williamsport na augustus. E ekipo di Senior League di Venezuela cu tambe ta representa Latino America pero na South Carolina, no a haya visa di gobierno di Trump. Segun un relato di Little League Baseball, ta bisa cu  no ta sigur cu un team venezolano lo ta representando e region Latino America. Visa no a wordo otorga pa e team Venezolano cu a gana un luga den e serie di division senior na Easley, South Carolina. E team di subcampion regional di Mexico a keda nombra como e reemplasante.

WILLIAMSPORT

Pa loke ta e team di little league, e streanan di Cardenales Little League di Barquisimeto, Venezuela, ta programa pa enfrenta Puerto Rico den e apertura di e serie na South Williamsport pa 1 or di mèrdia riba 13 di augustus. Un bosero di Departamento di Estado diasabra, ora a puntr’e tocante e status di e team mas jong, a contesta: “Nos oficialnan consular ta trahando actualmente pa revisa e caso pa confirma cu a sigui e proceduranan corecto y a entrega apelacionnan necesario pa e solicitantenan di visa.”