VVD: Lo inclui disposicion pa Corsou y St Maarten declara deseo pa independencia

DEN HAAG – Partido politico hulandes Volkspartij voor Vrijheid en Democratie (VVD), cu ta participa na e eleccion di dia 29 di oktober proximo, a publica su porgrama di partido recientemente. Den e programa di gobernacion di partido hulandes VVD, bou di e parti di Bon Gobernacion den e parti Caribense di Reino Hulandes, bou di e seccion, ‘autodeterminacion’, e partido kier inclui e  carta pa Reino cu lo inclui un disposicion explicito cu ta bisa cu, banda di Aruba, Curaçao y Sint Maarten tambe por declara nan deseo pa bira independiente.

PAISNAN AUTONOMO

Den e parti di paisnan autonomo, e partido ta bisa cu “Hunto cu Aruba, Curaçao, y Sint Maarten, nos ta trahando riba un bon y honesto gobernacion, politica financiero sano, ataca corupcion, y fortifica nan economia y enseñansa di forma sostenibel. Pa drecha e maneho financiero mester sera palabracionnan sano cu e islanan aki”. Por lesa e programa completo, (na hulandes si) AKI.