Venezuela no a haya visa pa bay Serie Mundial Senior League Baseball na Merca

CARACAS - Un seleccion di baseball Venezolano a wordo nenga visa pa drenta Merca y lo perde e Serie Mundial di Beisbol Senior di e aña aki, Little League International a confirma diabierna.

E ekipo di Cacique Mara, procedente di Maracaibo, Venezuela, tabata programa pa participa den e torneo despues di a gana e campeonato Latino Americano na Mexico.

“E team di Cacique Mara Little League di Venezuela lamentablemente no por a obtene e visanan apropia pa biaha pa e Senior League Baseball World Series,” Little League International a bisa den un declarasion, agregando ku e ta “sumamente decepcionante, specialmente pa e atletanan jong aki”.

E ekipo Venezolano a biaha pa Colombia dos siman pasa pa aplica pa nan visa na e embahada di Merca na Bogotá.

E embahada no a responde mesora na un petishon di Associated Press pa komentario.

“Ta un burla di parti di Little League pa tene nos aki na Bogotá cu e speransa cu nos muchanan por cumpli cu nan soñonan di participa den un campionato mundial,” e team a bisa den un declaracion. “Kico nos ta haci cu tanto inhusticia, kico nos ta haci cu e dolor cu a wordo causa na nos yiunan?”

Venezuela ta entre un lista di paisnan cu restriccion pa drenta Merca of su teritorionan. Presidente di Merca Donald Trump a prohibi biahe pa Merca for di 12 otro pais, citando preocupacionnan di siguridad nacional.

Mas tempran den e luna, e seleccion di voleibol femenino Cubano a wordo nenga visa pa participa den un torneo na Puerto Rico.

“Nan a bisa nos cu Venezuela ta riba un lista pasobra Trump ta bisa cu e Venezolanonan ta un menasa pa seguridad di su estado, di su pais,” Kendrick Gutiérrez, presidente di e liga na Venezuela a bisa. “No situacion no tabata facil; nos a gana e derecho di representa Latino America den e Campeeonato Mundial.”

E Serie Mundial di Baseball di Senior League, un torneo pa hungadonan di edat 13-16, ta wordo hunga tur aña na Easley, South Carolina. E ta cuminsa diasabra.

E organizadornan di e torneo a reemplaza e Venezolanonan cu e ekipo di Santa Maria de Aguayo di Tamaulipas, Mexico, e ekipo cu tabata sub campeon den e campeonato Latino Americano.

“Mi ta kere cu esaki ta prome biaha cu esaki ta sosode, pero e no mester caba di e manera aki. Nan ta bay reemplasa nos cu otro team pasobra e relacionnan a wordo corta; no ta husto”, Gutiérrez a agrega. “Mi no ta compronde pakico nan a pone Mexico aden na ultimo momento y a laga Venezuela afo.”