Gobierno di Trump ta publica documentonan riba asesinato di Martin Luther King Jr.

WASHINGTON - Gobierno mericano a publica documentonan relaciona cu e asesinato di pastor y activista di derechonan civil Martin Luther King Jr. E documentonan ta consisti di 6.000 pida, cu ta suma casi un cuart di un miyon pagina. Nan a wordo compila pa FBI na 1977 y a wordo clasifica for di e tempu ey.

E documentonan a wordo publica online door di e Archivo Nacional di Merca. Mientras cu tabata anticipa e publicacion di e documentonan, historiadornan cu ya a revisa nan a bisa The New York Times cu nan ta contene poco informacion nobo. Por ehempel, nan ta falta raportnan di espionaje di FBI y otro documentonan cu nan publicacion ta wordo blokia actualmente pa un ordo di corte te cu 2027.

King tabata e defensor mas famoso pa derechonan igual pa e comunidad di hende di color na Merca den añanan 1950 y 1960. E pastor tabata conoci pa su protestanan pacifico, organisa sit-in y marchanan di protesta y duna discursonan.