CBS ta cancela e talk show mas mira, ‘The Late Show’ despues di 33 aña

LOS ANGELES -E programa di combersacion mericano  (talk show) The Late Show cu Stephen Colbert lo bandona television mericano otro aña. E programa ta den aire for di 1993, presenta prome pa David Letterman te cu 2015. CBS lo ta suspende e programa na mei 2026, na final di e temporada di television. Colbert a ricibi e noticia diaranson anochi y mesora a anuncia esaki na e publico den e programa. “Mi no ta wordo reemplasa, tur esaki ta djis bay,” Colbert a bisa, despues cu por a tende zonido di e publico ora e la anuncia e fin di e programa. “Si, mi ta comparti bo sentimentonan”. A compronde cu e motibo ta puro financiero.