Mas ekipo a uni den buskeda pa 4 piscado riba e yate Energy

ORANJESTAD – Mientras cu no a logra localisa e yate ni e 4 piscadornan perdi for di diasabra ultimo, tin mas ekipo cu a uni cu e buskeda, mirando cu e area a expande atrobe. E buskeda pa e 4 piscado nan cu a sali for di Aruba riba diasabra 12 di juli, a sigui den ora nan trempan di awe mainta, segun vocero di Wardacosta Miguel Perret Gentil. Manera ta conoci,  for di diadomingo marduga ta buscando continuamente. 

EKIPONAN CU TA BUSCANDO 

Diaranson e avion Dash 8 di Wardacosta a bolbe busca den ora nan di mainta y atardi  te cu anochi, den e parti nort di awa nan di Colombia. E barco di Marina Real Hulandes, Zr.Ms. Friesland y su helicopter  tambe a bolbe contribui den ora nan di mainta y atardi di diaranson 16 di juli.  Un avion comercial for di Aruba tambe a uni su mes na e buskeda. 

SALBABIDA DEN LAMAN

Ta importante pa menciona, cu un avion di Wardacosta tabata tratando di saca un portret di un salbabida den laman den noord di Colombia. No ta confirma ainda na cua embarcacion y salbabida aki e ta pertenece na dje. Ta informa e famia tur dia conmovedor e ultimo desaroyo nan. NOTA: Potret cortesia di WardaCosta.