Grupo di abeha a ataca y pica homber mata na Corsou

WILLEMSTAD - Central di polis a risibí notifikashon ku na Kaya Seru Machu tin un situashon di atenshon kaminda ku varios abea a ataka 2 hòmber I nan situashon ta basta delikado. Mesora a dirigí unidatnan di Montaña na e sitio I tambe ambulans. Na yegada di e patruyá polisial nan a bin topa ku un hòmber benta abou riba kaminda. Tabata un situashon bastante fèrfelu pa por a dil kune mirando ku ainda e abeanan tabata bulando den e area. Polisnan a pidi presensia di imker pa bin atendé ku e abeanan di forma ku nan por hasi nan trabou.

E imker na su turno a sende vários kandela di forma ku e huma por a alehá e abeanan for di e sitio. Polisnan a será e area miéntras ku personalnan di ambulans a tira un bista riba e víktimanan. E hòmber ku tabata benta riba kaminda lamentablemente a pèrdè su bida debí na e pikánan ku e la risibí. Dòkter di polis a konstatá morto di e hòmber aki. E otro víktima a logra di drenta den kas di un habitante durante di e atake di abea i esaki a pone ku e por a skapa su bida.

Personal di ambulans a transportá e hòmber aki pa CMC pa e risibí tratamentu médiko avansá. NOTA: Texto ta scirbi den papiamento fonetico di Corsou. NOTA: E potret cu ta acompaña e articulo aki ta un ilustracion y no ta e abehanan cu tabata envolvi.