- KPA: Persona deteni cu pistool y sentencia hopi lihe
- KLM tin e tripulacion di vuelo mas caro na mundo
- Gobierno di Hulanda ta bai apela contra desicion di clima pa Bonaire
- Foro Siguridad sin frontera: Colaboracion ta decisivo contra menasa moderno
- Grand slam historico di Xander Bogaerts di Aruba ta duna Padres victoria
ATIA: Blackout ta costa comercio di Aruba miyones!!
ORANJESTAD — Un blackout ta costa comercio di Aruba miyones! Esaki ta e prome reaccion di e gremio comercial Aruba Trade & Industry Association (ATIA) dialuna. Diasabra ultimo, 5 juli 2025, Aruba a experiencia un blackout completo pa alrededor di 6 ora. ATIA a tuma nota di e splicacion di Sr. (Alfredo) Koolman director di WEB, pero ta haya cu esaki no ta uno completo y hopi vago.
COMPANIANAN CHIKITO TA SINTI BLACKOUT MAS
Un blackout ta costa comercio di Aruba miyones! A comenta riba e institucionnan vital manera, HOH, AAA, y Imsan y ki impacto e blackout tawata tin pa e instancianan aki. Pero e companianan cu a sinti e efecto di e blackout mas, ta e companianan chikito, esunnan cu ta depende especialmente di nan benta ariba un diasabra pa por genera entrada extra den un fin di siman yen di evento. No por a swipe, no por a saca cash, no tur edificio tin delco como un backup, cu a hasi cu hopi compania chikito mester a sera nan portanan. Tambe mester mentiona cu hopi aparato y machin electronico na diferente negoshi y cas por daña ora tin blackout asina pa cu e irregularidad den coriente.
ATIA KIER GARANTIA DI WEB CU NO TIN MAS BLACKOUT
Pregunta cu ATIA tin ta kico WEB por hasi pa garantisa cu esaki no ta pasa mas? Dicon e motornan a faya? Nos ta biba riba un isla moderno unda cu esaki no mester pasa. Porta a yega ora pa Gobierno di Aruba considera kita limite di panel solar y legalisa uso di bateria manera na hermana isla, asina comerciantenan y ciudadanonan por cuminsa inverti pa nan por tin coriente confiabel 24 ora pa dia. ATIA ta conciente cu esaki por caba, pero bo lo mester ta 100% “off-grid”, pero nos ta di opinion cu e lo mester por si un compania of un persona kier keda riba red di coriente normal tambe.
CONTENTO CU A HAYA CORIENTE BEK LIHE
ATIA ta contento a recupera coriente den 5 ora y 45 minut, pero un disculpa no ta yuda recupera e miyonesnan perdi! Ken para responsable pa esaki financieramente, ATIA ta puntra finalmente.
Foro Siguridad sin frontera: Colaboracion ta decisivo contra menasa moderno
ORANJESTAD - E foro internacional “Security without Borders” a reuni expertonan di diferente pais na Aruba pa discuti temanan actual den seguridad, manera seguridad cibernetico, inteligencia artificial y innovacion den proteccion di organisacionnan. Durante e evento, a pone enfasis riba e importancia di colaboracion internacional y intercambio di informacion pa enfrenta menasanan moderno, specialmente den un mundo unda crimen organisa y riesgo digital ta bira mas complejo.
Aerolineas Argentinas ta ofrece buelo barata pa Aruba pa mercado argentino
BUENOS AIRES - Aerolíneas Argentinas a lansa un promocion cu ta permiti hende bula pa Aruba pa menos di un miyon peso argentino. E oferta ta inclui buelonan directo ida y bini for di Argentina pa mas o menos $649 dollar, cu maleta di man inclui y opcion pa paga den te 12 cuota sin interes. Cu e prijs actual di dollar, e pasashi ta baha di 920 mil peso, convirtiendo esey den un opcion atractivo pa un destino internacional di beach. Promocion ta valido te 12 di april y pa biahenan te 30 di juni 2026.
Lotto: Awe abo por ta e siguiente miyonario di Aruba!
A.T.A. ta inverti fondo di turismo pa reforsa siguridad den centro di Oranjestad
ORANJESTAD - Aruba Tourism Authority (A.T.A.) ta reforza siguridad den centro di Oranjestad mediante implementacion di un sistema nobo cu camara di vigilancia y speaker publico. E iniciativa ta enfoca riba prevencion di incidente, reaccion mas rapido den situacion critico y comunicacion mas efectivo cu publico. E comunicado no ta bisa cuanto placa ATA lo ta invertiendo den e proyecto aki.
Wingo ta lansa ruta temporal entre Aruba y Barranquilla
ORANJESTAD – Aruba lo tin un conexion aereo directo cu Barranquilla dor di un ruta temporal nobo opera pa Wingo. Asina aeropuerto di Aruba a confirma diahuebs mainta. E ruta lo conecta Aruba cu Colombia via Aeropuerto Internacional Ernesto Cortissoz.
Aruba cla pa conoce su di dos miyonario di 2026 cu Lotto
Follow NoticiaCla
