Netflix ta estrena documentario, basa riba desaparicion di turista crucero yegando Corsou

NEW YORK/ WILLEMSTAD - Dia 16 di juli proximo, Netflix ta estrena The Disappearance of Amy Bradley, un serie documental di tres parti cu ta recorda e desaparicion di e turista crucero Amy Bradley, ora cu e bapor crucero tabata nabega entre Aruba y Corsou na 1998.  E documentariio ta conta con e vacantia di e famia aki a bira un fierno bibo despues di e desaparicion inexplicabel di Amy y e investigacion siguiente. E trailer ta habri cu un liña spantoso: “Si bo ke mata un hende, hiba nan riba un crusero. Nan lo no haya bo.” Na 1998, Amy Lynn Bradley a disparce sin rastro ora cu e tabata biaha cu su famia riba un crucero den Caribe. Binti shete aña despues di e insidente, e plataforma di streaming ta reconstrui e caso y e preguntanan cu ainda ta keda sin contesta. Loke tabata suppose di ta un vacacion di soño pa e famia Bradley di Chesterfield, Virginia, a bira un pesadia. Dia 21 di maart 1998, Iva y Ron Bradley a sali for di San Juan, Puerto Rico, abordo di e barco crucero luhoso di Royal Caribbean Rhapsody of the Seas, compaña pa nan yiunan, Brad (21) y Amy (23). Tabata e comienso di un biahe den Caribe di shete dia, cu paradanan na Aruba, Curaçao, Sint Maarten, St. Thomas, y Islanan Virgen, regresando na nan punto di salida. Tabata un di nan ultimo vacacionnan pa disfruta di tempo di calidad den famia prome cu e muchanan a bandona e neshi. E carchi tabata un regalo di e dunado di trabou di Ron. Un oportunidad pa no perde. Despues di e prome parada na Aruba, e barco crucero tabata rumbo pa Curaçao. Algo entre mainta y mainta riba diamars dia 24, Amy a disparse sin rastro. Mesora e famia a avisa e tripulacion. FBI a busca den tur skina di e barco di 3.000 pasahero, pero no a haña ningun pista di su paradero. Amy nunca no a baha y nunca mas a wordo mira pa su famia. Mas cu dos decada despues di e insidente, su mayornan ta keda convenci cu Amy ta na bida.