Rey Willem-Alexander ta cumpli 40 aña como piloto

AMSTERDAM - Rey Willem-Alexander ta un piloto pa cuarenta aña caba awe. Den un raportahe di e matutino Hulandes Telegraaf, ta relata riba e hecho bunita aki. Noticiacla ta reproduci e articulo aki integralmente. 

“Ainda e Rey ta bula regularmente: e mes ta sinta tras di e controlnan di e avion di gobierno y de bes en cuando ta haci un shift na KLM. Cualkier hende cu drenta un avion di KLM por wordo bula pa nan destinacion dor di e Rey, sino cu nan sa. Willem-Alexander ta un ‘piloto invitá’ na e compania di aviashon algun biaha pa luna. E no ta solamente e piloto mas famoso di e pais, pero segun e personal e ta tambe un colega masha agradabel. "Mi no tin ningun obligacion di bula, pa mi e ta un hobby cu mi por practica na KLM. Den e sentido ey mi ta spera di sigui haci esaki pa hopi tempo mas," el a declara anteriormente na De Telegraaf. Pa por retene su licensia, e Rey mester bula un cierto cantidad di ora pa aña. Tras di e timon di e avion di gobierno

Hopi biaha e Rey mes ta sinta tras di timon ora e y Reina Maxima bay un bishita di estado den e avion di gobierno. Ademas actualmente e ta bula como prome oficial riba un Boeing 737 cu KLM. E compania di aviashon lo reemplasa e tipo aki cu e Airbus A321 den e proximo añanan. E monarca tin plania pa re-entrena riba termino largo riba e tipo di avion aki. NOTA: Texto cortesia Telegraaf.