Ola di calor di Europa ta sigui asota e paisnan incluyendo Hulanda, Spaña y Alemania

BRUSELAS - Calor cu ta kibra record ta sigui kima mayoria di Europa Occidental. Spaña a kibra su record di kalor di juni, y ta anticipa cu temperaturanan extremo lo move den direccion di Alemania y Francia pa mitar di siman. Autoridad na Spaña dialuna a confirma e temperatura di mas halto di e pais di juni.  Hulanda tambe a bati alarma e siman aki pa e calor insoportable. 

HEAT DOME

E temperaturanan cu ta kibra record ta bini ora un “heat dome” ta sigui sinta riba Europa Occidental, un fenomeno di weer durante cua un sistema di preshon haltu ta tene aire seco y cayente na su luga durante un periodo di tempo extende.