E canal di television hulandes RTL ta haya doño nobo

AMSTERDAM - E compania DPG Vlaams ta permití pa tuma over RTL Nederland al fin y al cabo. Sinembargo, a pone condicionnan estricto pa e takeover, manera a wordo anuncia door di Autoridad Hulandes pa Consumidornan & Mercadonan (ACM).

Por ehempel e websitenan y appnan di RTL Nieuws i Nu.nl (di DPG) mester keda gratis y sigui existi separa. Mas aleu DPG mester stipula den e statutonan di redaccion di tur corant, revista y website di noticia individual cu no por simplemente corta den presupuesto y cu tur titulo lo sigui opera independiente for di un perspektiva di redaccion. Un fundacion special lo vigila esaki. NVJ, e sindikato di periodistanan, ta bisa ku e lo studia e condicionnan mas aleu, “pa por hasi un evaluacion corecto di si a tene suficiente cuenta cu e obhecionnan cu NVJ a lanta”. Despues cu e plannan di adkisicion a bira conoci, e sindicato a bisa cu e tabata preocupa pa e tamaño y dominio. Esaki lo hasi e posicion di negociacion di freelancernan y companianan di medionan di suministro mas vulnerabel.