- Netflix ta trahando riba documental tocante desaparicion di Natalee Holloway
- Hospital a los nan videoclip di fin di aña cu Jeon y Coro Tutti Frutti ‘Salud na bo salud!”
- Na Hulanda, partidonan D66, VVD y CDA tin te 30 di januari 2026 pa sigui cu e ronda nobo di formacion
- ATA y APA a yama barco crucero MS Renaissance bonbini durante su bishita inaugural na Aruba
- Yiu di Machado ta ricibi Premio Nobel di Paz na nomber di su mama
Polis ta cuminsa usa bodycams entrante otro siman!
MACUARIMA – Durante e mesun siman cu Parlamento a trata e tema durante un reunion publico, esta riba e.o. e uso of falta di uso di bodycams, Cuerpo Policial a anuncia diabierna, cu for di otro siman, polisnan ta subi caya cu bodycams. Mientras cu tabatin discusion den Parlamento, lidera pa e fraccion di PPA riba e tema, cu ainda no tin esaki, minister di husticia Arthur Dowers a mustra cu e proyecto tabata bezig, pero pa motibo di problema legal, no a inicia cu e proyecto. Pero, diripiente, e siman aki, e anuncio a bin cu otro siman polis tin bodycam na curpa.
POLIS NO TA PARA KETO
Segun e version di Cuerpo policial riba e tema, nan a scucha comunidad, y “hunto cu avansenan tecnologico nos organisacion ta den pleno desaroyo pa ehecuta proyecto nan nobo cu ta incera cambionan grandi tanto pa nos di Cuerpo Policial Aruba y nos comunidad”.
VISION DI ARNHEM
Ademas, e comunicado ta sigura cu ta un vision di e actual Alto Comisario Arnhem, pa desaroya nos agentenan policial como tambe parti di digitalisacion cu enfoke riba tecnologia. “Den e cuadro aki tin yen proyecto den tapara y ta andando manera: Radio di Polis nobo y moderno, Computernan nobo, Radarkamer, proyecto di Camera rond Aruba, proyecto di computer den patruya policial, tecnologia pa combati crimen etc.” Y den e cuadro aki, polis a dicidi di usa bodycam awor. “E meta y vision di KPA ta inverti den nos profesionalismo. E siguiente fase aki ta un stap grandi pa nos di Cuerpo Policial Aruba cu introduccion di e proyecto Piloto di Bodycams entrante 1 juli 2025”.
BODYCAMS UN IMPACTO NOBO PA NOS TUR:
Segun Cuerpo policial, estudionan a demonstra cu bodycams ta contrubui na transparencia, seguridad y profesionalismo. E puntonan aki ta cuadra netamente cu e pensamento di nos organisacion policial. E meta ta pa fortalece transparencia y profesionalismo cu ta aumenta e seguridad pa nos comunidad y agente policial.
PROGRAMA PILOTO
E proyecto aki ta Piloto. Polis uniforma lo cuminsa uza e bodycams. A regla cu Polis por usa e bodycams na cualkier momento den nan ehecucion di nan trabou. E agentenan a haya presentacion di e procedura con pa atende cu e bodycams. Tin regla y procedura pa cu e maneho di e imagenan di e bodycams conhuntamente cu Ministerio Publico. No por divulga of mira imagen sin cu tin autorisacion pa cu esaki y e ta conta tambe pa nos di Cuerpo Policial Aruba pa asina brinda e transparencia y seguridad.
Bodycams por trece desafio pa nos comunidad y cu tempo nos por custumbra cu esaki. Hunto nos ta dal un stap dilanti cu e bodycamsnan tanto pa nos comunidad y agente policial.
Den region y Aruba ta sigui crece y bira profesional. Nos tambe kier crece hunto dor di inverti den e confiansa entre Polis y comunidad. Nos tey pa boso! Hunto nos ta traha pa un Aruba sigur, resiliente y transparente.
Polis a detene 6 persona durante varios entrada hudicial y confisca arma y droga
SANTA CRUZ - December a habri y un racha di entradanan hudicial cu detencion a tuma lugar. Esaki den cuadro di un investigacion pisa cu Unit Narcotica a realisa a termina exitoso cu sla duro pa baho mundo. Asina polis a raporta diamars anochi. Segun e raportahe pues, december a habri cu entrada hudicial na un percela den Bushiri pa bendemento di droga. Na Bushiri a detene un hende homber di inicial J.L.P. di 33 aña di edad y naci na Hulanda. Durante e buskeda a confisca arma di candela cu yen municion. Tambe a haya cargacion di marihuana y cocaina. Relaciona cu e mesun investigacion polis (Unit Narcotica) a sigui despues riba un otro dia, pa un otro entrada hudicial na un percela na Calbas, Pavia y Shiribana. A detene dos hende muher di inicial M.C.K. di 36 aña di edad naci na Aruba y C.M.R.P. di 42 aña di edad naci Republica Dominicana. Tambe a detene tres hende homber di inicial S.A.F. di 58 aña di edad naci na Aruba tambe un otro hende homber di inicial E.A.T. naci na Aruba di 45 aña di edad y A.J.L.L. naci na Aruba di 33 aña di edad. Durante buskeda na e percelanan aki a encontra un cantidad considerabel di marihuana y cocaine. A haci uzo di diferente teamnan di KPA manera; Team di aresto, K-9 Unit, Flexteam, RRT y polis uniforma di Noord.
Cuerpo Policial a celebra hubileo y entregamento di decreto gubernamental
SANTA CRUZ - Den un ballroom completamente yen na Alhambra Ballroom a tuma luga recientemente entregamento di Decreto Gubernamental na 93 agente policial como tambe personal administrativo di nos oraganisacion policial. Altocomisario Arnhem conhuntamente cu Mando policial, famia y coleganan a para keto y honra agente policialnan tambe personal administrativo cu nan hubileo y carera imprecionante y di respeta den Cuerpo Policial Aruba. Ta trata di tanto Polis como nos personal administrativo cu a cumpli 25, 30, 35, 40 y 45 aña sirbiendo Pais Aruba honradamente. V. Coffie, Sr. A. Croes, J. Wing, M. Tuitt y I. Phelipa ta e personalnan cu a cumpli 25 aña.
Aruba ta conoce su di 10 morto di trafico pa 2025
Aruba ta conoce su di 9 morto di trafico pa 2025
ORANJESTAD – Un peaton cu a keda alcansa dialuna pa un auto, a fayece diamars anochi laat y bira asina e di 9 morto di trafico. Asina polis a confirma diaranson mainta. Tabata dialuna 1 december 2025 den oranan di merdia, cu central di polis a wordo notifica cu un auto lo a alcansa un peaton na Pastoor Hendrikstraat na San Nicolas. Central di Polis ta despacha Polisnan di San Nicolas y ambulance. Na yegada di e prome patruya a bin encontra cu un hende homber riba caminda y su situacion tabata mustra hopi critico. Ambulance a yega na e sitio y a stabilisa e victima y bay cune cu maximo urgencia pa hospital y na unda a percura pa cera e crusadanan importante cu diferente patruya pa asina por yega lihe y sigur Hospital.
Wardacosta a gara boto cu 5 persona indocumenta drentando Aruba
Hoben perdi riba laman, a keda localisa awe marduga sano y salvo
Follow NoticiaCla
