Herment nobo ta yuda studiantenan di Caribe prepara pa studia na Hulanda

DEN HAAG -  Tur aña, mas cu 1.600 hoben di e parti Caribense di Reino ta cuminsa un estudio den e parti Europeo di Hulanda. Pa hasi e transishon di enseñansa preparatorio riba e islanan pa enseñansa avansa na Hulanda mas suave, a desaroya un herment special. E herment aki ta ofrece studiantenan prospecto y nan mayornan un bista di tur asunto cu nan mester regla prome y despues di nan salida pa Hulanda.

UN LUGA CU TUR INFORMAciON

Via e herment riba rijksoverheid.nl/caribischestudenten, studiantenan caribense ta ricibí un bista personal cu informacion tocante nan derechonan, cua asuntunan mester wordo regla y unda nan por haña yudansa. Banda di e version hulandes, un version na ingles tambe ta optenibel riba government.nl/caribbeanstudents.

Eppo Bruins, Minister di Enseñansa, Cultura y Ciencia, ta contento cu e yegada di e herment: “Studiantenan di e parti Caribense di nos Reino mester tin e mesun oportunidad y chensnan cu nan coleganan studiante aki na Hulanda. Nos kier evita cu studiantenan ta keda pega riba tur tipo di asunto administrativo y soro pa un bon comienso cu e herment nobo aki studiantenan por prepara miho pa Caribe. Nan estudio na Hulanda.Tur loke nan mester regla ta awor den 1 bista cla Esaki ta permiti studiantenan prospecto prepara bon y enfoca primordialmente riba nan estudio na yegada na Hulanda.”

SOSTEN MEHORA PA STUDIANTENAN POTENSIAL

Último añanan, parcialmente riba conseho di Ombudsman Nashonal, a haci trabounan duro tambe riba otro frentenan pa mehora e suministro di informashon, guia i preparacion pa studiantenan di Caribe. Por ehempel, for di aña pasa, automaticamente studiantenan caribense ta ricibi un number di servicio di ciudadano (BSN) ora nan aplica pa financiamento di studiante. Asina nan por aplica pa un DigiD y regla un cantidad di asuntonan prome cu nan sali pa Hulanda. Mas aleu, tin iniciativanan manera Aña Fundashon Academico Caribense riba Aruba, Corsou y, entrante augustus 2025, tambe riba Sint Maarten, Saba i Sint Eustatius pa prepara studiantenan miho pa un estudio otro caminda. E ‘Colaboracion HBO Student Success Caribbean Students’ ta trahando riba un programa integra cu ta sostene y guia studiantenan den haci un escogencia di estudio, mehora idioma y habilidadnan di estudio y cu ta ofrece preparacion pa un bon transicion cu atencion pa studia na Hulanda y cultura Hulandes.

E herment a wordo crea pa medio di un colaboracion entre Ministerio di Enseñansa, Cultura y Ciencia, Ministerio di Interior y Relacionnan den Reino, Agensia Ehecutivo di Enseñansa, Banco di Seguro Sosial, SGKZ (antes Liña di Seguro di Salud), Aliansa Strategico di Enseñansa y Servicio Publico y Comunicacion.