Cas Blanco ta confirma: Presidente Trump ta bin Den Haag pa cumbre di OTAN

WASHINGTON - Despues di e atentadonan mericano na Iran fin di siman pasa, ainda tabata cuestionabel si presidente Trump lo a bini na e cumbre di OTAN. Cas Blanco a caba di anuncia cu e presidente Mericano lo bin Hulanda diamars awor. “Un di e topiconan principal di discusion eynan lo ta e drempel di 5 porciento cu nos aliadonan di OTAN mester alcansa”, segun vocero di Cas Blanco, Leavitt. “E mandatario a bin ta hasi un yamada na nos aliadonan di OTAN pa hasi mas pa basta tempu caba. El a pusha nan pa haci mas den su prome periodo y lo bo tende e mandatario papia tocante esey durante e siguiente biahe historico aki pa Europa.”