- Tierra del Sol Golf Course a habri atrobe despues di 13 luna di renovacion
- Ministernan ta evalua si ta intensifica combatimento di droga den region
- MEP: Placa cu Hulanda ta duna pa energia, no ta nobo sino compromiso haci di 2023
- Corsou tambe ta ricibi 125 miyon florin di Hulanda pa drecha su red di corriente
- Si seleccion di Hulanda gana Polonia diabierna, e ta clasifica pa mundial
Cicilia determina pa resolve problema di fila largo di turista na aeropuerto
ORANJESTAD – Minister di turismo, responsabel pa e.o. aeropuerto, mr Wendrick Cicilia, ta determina pa resolve e problema di filanan largo di turista na aeropuerto, ora di bandona Aruba. Tabata diahuebs merdia cu mr Cicilia tabata presente na Aeropuerto Internacional Reina Beatrix. Presencia di Minister Cicilia tabata mas bien pa ricibi un actualisacion rib’e proyecto Gateway 2030 y pa intercambia pensamento riba e experencia di nos biaheronan. Pa Minister Cicilia, tabata importante pa eleva e experencia di tur e usuarionan di nos aeropuerto.
ULTIMO EXPERIENCIA NO POR PERHUDICA E TOTAL
Minister Cicilia e enfatisa cu turismo tin diferente faceta, e ultimo experencia di nos bishitantenan ta na Aeropuerto Internacional Reina Beatrix no por perhudica henter e experencia di calidad cu nan a experencia durante nan estadia. Cu esaki, e la referi na e e.o. e liñanan largo di espera na aeropuerto ora cu e turistanan bandona Aruba. Pa e minister, ecompromiso ta pa hasta e ultimo momento di nan estadia riba nos ta uno di excelencia. “ Nos mester garantisa den concordancia cu e normanan di siguridad cu e experencia di nos biaheronan for di momento cu nan ‘check-in’ te cu ‘departure-gate’ ta uno agradabel. Nos lo enfoca pa garantisa un trafico eficiente, agradabel y sigur pa nos biaheronan. Tin cu percura p’e experiencia den su totalidad cu producto Aruba brinda, ta uno impresionante” e mandatario a sigui bisa.
PUNTO DI ATENCION TA IMIGRACION
A identifica diferente punto di atencion, manera e reto cu Departamento di Inmigracion Aruba estblece na Aeropuerto Internacional Reina Beatrix Aruba ta enfrenta, unda por causa cu e filanan na aeropuerto por tranca. Ademas di e retonan cu e Departamento di Inmigracion Aruba ta enfrenta, tin otro factor cu tambe ta contribui n’e filanan largo. E puntonan di siguridad den Aeropuerto Internacional Reina Beatrix Aruba, e limitacionnan di e facilidad y infrastructura tambe ta conduci na cu e trafico di pasahero ta tranca na diferente punto nan specifico. E mandatario ta compronde cu e aspectonan aki por causa iritacion. Minister Cicilia a enfatisa cu nos mester percura cu e ultimo experencia di nos turistanan ta keda uno agradabel y ta conecta na nos identidad di hospitilidad. Minister Cicilia a indica cu e cooperacion bunita entre Ministerio di Turismo, ATA, IMT y hunta di supervicion lo produci solucion nan pa e reto señala.
SOLUCION
A intercambia pensamento riba e solucionnan practico pa trece alivio di un forma inmediato. Minister Cicilia a referi na ahustacion den e facilidad, implementation di tecnologia moderno pa agilisa e trafico y tambe intercambio di data entre U.S. Customs and Border Protection y Departamento di Inmigracion Aruba ta algun di e solucionnan cu IMT hunto cu ministerio ta trahando riba dje. Minister Cicilia na final a indica cu e tin atencion pa tur precupacion expresa y cu su tarea ta pa cuida e factornan cu ta haci e experencia di nos producto Aruba uno agradabel. NOTA: E potretnan ta di archivo di noticiacla.
Ministernan ta evalua si ta intensifica combatimento di droga den region
ORANJESTAD – Ministernan di husticia di Reino ta evalua si ta intensifica combatimento di droga den region. A recorda durante e ultimo Justitieel Vierlanden Overleg cu riba 6 di november 2024, durante e debati di comision tocante e cadenanan di husticia den parti Caribense di e Reino, un motie a ser presenta. E motie aki ta pidi e minister di husticia di Hulanda pa, huntu cu e JVO, traha hacia un plan pa combati e suministro di droga entre otro na Hulanda. “Mi a hiba e tema aki den combersa cu mi coleganan ministro. Hunto nos a dicidi pa cuminza cu un inventario di e cooperacion actual riba e tereno aki. Den e proceso aki lo ta mira tambe e transito di droga pa otro destinacionnan, cu atencion pa tanto e “upstream” como e “downstream disruption”.
MEP: Placa cu Hulanda ta duna pa energia, no ta nobo sino compromiso haci di 2023
ORANJESTAD - Den fin di siman minister presidente demisionario Schoof di Hulanda, tabata na Aruba y hunto cu Minister President di Aruba, a papia di e 100 miyon florin cu Hulanda lo inverti den transicion di energia na Aruba. Partido MEP rapidamente a recorda tur hende cu e acuerdo aki no ta algo nobo, indicando cu e no ta un logro di AVP, sino cu e ta un palabracion haci for di 2023 dianan 10, 11 y 12 di Mei, cu ex Minister Jetten, e tempo ey Minister voor Klimaat en Energie, durante e prome Caribbean Climate and Energy Conference (CCEC).
Schoof: Hulanda ta yuda Aruba cu mas di 100 miyon florin pa nos red di energia
ORANJESTAD – Den cuadro di compromise den Reino, riba tereno di energia y den cuadro di e cierre definitivo di refineria, Hulanda a otorga Aruba 110 miyon florin pa yuda fortalece e red di energia den varios forma. Asina prome minister hulandes demisionario Dick Schoof a bisa durante un conferencia di prensa cortico durante su bishita di transito pa Colombia, diasabra atardi. Por wak e declaracion AKI.
Premier Schoof a actualisa su mes riba HOFA cu premier Eman na Aruba
ORANJESTAD – Mientras cu tabatin varios tema cu e prome minister hulandes demisionario Dick Schoof a trata durante su bishita cortico diasabra na Aruba, e la para keto na e ley di HOFA, y a bisa Noticiacla cu e tabata kier sa di Aruba, con ta para cu e parti aki, di banda di Aruba. Asina mes, e no kier a duna mucho comentario si, pero a lague den e proceso cu e ta aworaki.
Refineria na Aruba ta cera definitivamente, Hulanda ta yuda cu desmantelacion
SAN NICOLAS - E refineria Lago na Aruba ta cera definitivamente. Esaki a wordo anuncia pa premier Eman durante un bishita di su colega demisionario Schoof for di Hulanda.
Colaboracion pa aumenta exito di estudio pa studiantenan Caribense ta haya continuacion
KRALENDIJK - Di mas guia ora di scoge estudio, te intercambio di stage y di estudio. E programa ‘Education Alliance’ (SEA) ta un iniciativa importante entre gobiernonan y instansianan di enseñansa di Aruba, Corsou, Sint Maarten y Hulanda. Su meta ta pa haci transicion pa enseñansa superior mas facil y prepara studiantenan miho pa un estudio na Hulanda of otro caminda. Awe a prolonga e programa aki pa aumenta exito den estudio pa studiantenan Caribense te cu 31 di december 2028.
Follow NoticiaCla
