Szabó: Desafortunadamente, mi rol como Secretario di Estado pa Relacionnan di Reino ta yega su fin

DEN HAAG - Manera cu Noticiacla a anticipa y raporta caba, e caida di gobierno manera cu e la tuma lugar, esta cu retiro di e miembronan di partido PVV, esaki ta nifica tambe cu mesora e secretario di estado pa asuntonan di Reino, Zsolt Szabó ta bay. "Lamentablemente, mi rol como Secretario di Estado pa Digitalisacion y Relacionnan den Reino ta yegando su fin. Lo mi kier a caba cu e trabou aki. Pero tambe mi ta orguyoso cu tin un fundeshi riba cual mi sucesor por construi”. Asina e mandatario hulandes a bisa despues di tende di e caida di gobierno hulandes, di cual e la forma parti. 

BON GOBERNACION

“Denter di Relashonnan di Reino, mi a enfoca riba bon gobernacion, finanzas solido di gobierno y autosuficiencia. Mi asercamento semper tabata enfoca riba un miho futuro pa e residentenan di e parti Caribense di nos Reino” Szabó a sigui bisa. “ Esei a conduci na resultadonan tangibel. Por ehempel nos ta yudando empresarionan riba e islanan cu un fondo pa seguridad di cuminda. Banda di esaki tur habitante di Boneiro, Sint Eustasius y Saba lo ricibi un number di servicio di ciudadano. Mi a kompromete mi mes na mi asignacion como Secretario di Estado cu hopi conviccion. Danki na tur hende cu tabata prepara pa tuma pasonan hunto - pa un solo gobierno digital  un Reino mas fuerte ”, Szabó a finalisa bisando.