PVV a retira su sosten, creando caida di gobierno Hulandes

DEN HAAG – Gabinete Schoof di Hulanda a cay diamars mainta, debi cu partido PVV di Geert Wilders a retira su sosten. Durante un reunion entre partidonan di coalicion diamars mainta, Wilders a participa esey na e demas coleganan di coalicion. Esaki kier men de facto cu gobierno ta cay, pasobra PVV siendo e partido mas grandi, no ta sostene e coalicion. Posibilidad pa un gabinete cu sosten di minoria of forma un gobierno cu otro partido, no ta mustra viable. Esey kier men cu ta spera cu pa fin di dia, prome minister Dick Schoof lo entrega retiro di su gabinete na Rey Willem-Alexander. 

PAKICO A CAY

E motibo di e caida, ta e falta di sosten riba e maneho riba asilo politico di partido PVV. Segun Wilders, e coalicion no ta haciendo suficiente pa e por logra su metanan riba e tereno di asilo politico. 

 E miembronan di coalicion ta rabia y disgusta riba e actuacion di Wilders, y ta haye hopi irresponsabel.

KICO AWORMientras cu inoficialmente e gabinete realmente a cay, ta sigui reunion den Tweede Kamer den curso di dia, y despues un reunion urgente di conseho di minister y despues ta determina finalmente si realmente no ta continua cu e gabinete, pa despues Schoof entrega retiro na Rey Willem-Alexander. E pensamento ta cu eleccion nobo lo ta necesario y cu lo tuma lugar mas sigur medio November di e aña aki.