Tin indicacion cu caso entre DIMP y de Meza ta wordo trata ‘tras di porta cera’ diaranson

ORANJESTAD – E chens ta grandi cu e caso entre Inspector di Impuesto y parlamentario Mike de Meza, ta wordo trata tras di porta cera diaranson. E cos a cuminsa ora cu a bira conoci cu prensa no ta haya e ‘rol’ regular di belasting, ‘paso casonan di belasting no ta openbaar’. Asina un official di corte a bisa Noticiacla diamars. Ora cu a bay check cu e abogado di de Meza, e tambe a duna indicacion cu esey tambe e la tende, esta cu prensa no ta permiti pa ta den sala pa raporta e caso. Esey kier men cu prensa no ta permiti pa ta den e sala ora cu ta trata e caso. 

COSNAN SENSITIVO

Por a compronde cu esaki ta e caso pasobra informacion ‘sensitivo’ personal di e persona ta wordo trata y cu no ta ‘prudente’ pa saca e informacion aki pafo. Esey no ta kita afo, cu unabez cu tin un sentencia, e informacion ey ta publico. 

MAINTA

E caso ta programa pa cuminsa 11’or y mei di mainta, y ta mustra cu e no ta un caso largo, ya cu partidonan ya caba a intercambia di documento, riba peticion di corte, y ora cu e caso wordo trata, e informacion importante ta conoci caba y ta solamente huez lo tin cu haci pregunta na e respectivo partidonan, y haya contesta, pa despues e tuma su decision. Esey ta e motibo tambe cu a pone e orario laat di 11:30am, y no for di comienso di dia. Ta normal cu pa merdia, mas tarda 12:30pm durante tratamento, huez ta suspende un caso andando, pa bay lunch, pero no ta usual cu ta cuminsa un caso cu ta poni pa bay largo, riba un ora net prome cu lunch. Nos ta keda pendiente pa wak kico finalmente ta tuma lugar diaranson mainta y si toch, prensa ta wordo permiti pa ta den sala di corte pa raporta e caso.