Hulanda ta duna 150 miyon pa transicion di energia na Aruba, Curaçao y St Maarten

WILLEMSTAD - Hulanda ta pone 150 miyon euro disponibel pa sostenibilidad di e sistema di energia na Curaçao, Aruba y Sint Maarten. Esaki a keda confirma pa Minister di Clima y Cresemento Berde Sophie Hermans durante e Conferencia di Caribe Clima y Energia na Corsou, caminda decenas di delegacion lo reuni e siman aki pa papia tocante adaptacion di clima y energia sostenibel den e parti Caribense di Reino. E fondonan ta bini di e programa di subsidio hulandes SDE++ (Stimulatie van Productie van Energie Sostenibel en Klimaattransitie) y ta destina pa e precondicionnan di e transicion energetico.

E precondicionnan aki no ta regarda parkenan di biento y veldnan solar, pa cual tin suficiente interes comercial, segun e minister. Loke ta trata ta e fundeshi di e transicion di energia: un red di coriente fuerte, reglanan cla, suficiente conocemento y desicion administrativo.

E di dos edicion di e conferencia di clima, cu ta tuma luga na Willemstad e aña aki, tin como meta pa formula pasonan concreto pa un agenda regional di clima pa e estadonan insular chikito den Caribe. Corsou, como pais anfitrion, ta yama e reunion crucial pa cooperacion y intercambio di conosemento.